ރެހެންދި ދަނޑުގައި މިހާރު ކުރިއަށްދާ ފޯރިގަދަ ގޯލްޑަން ފުޓްސަލް މުބާރާތުގައި އުރީދޫ މޯލްޑިވްސްއިން ހާއްސަ އޮން-ސައިޓް ޕްރޮމޯޝަނެއް މިއަހަރުވެސް ފަށައިފިއެވެ. 

މި ޕްރޮމޯޝަންގެ ދަށުން އުރީދޫ ސުޕަރނެޓް، ޕޯސްޓްޕެއިޑް އަދި 5ޖީ އެއަރފައިބަރގެ ޚިދުމަތް 400 ރުފިޔާއިން މަތިން ބައްލަވައިގަންނަ ފަރާތްތަކުގެ މެދުގައި ނެގޭ ހާއްސަ ގުރަކުން ހޮވޭ ނަސީބުވެރިއަކަށް އިނާމެއް ލިބިގެންދާނެކަމަށް އުރީދޫއިން މައުލޫމާތުދެއެވެ. 

މި އިނާމުތަކުގެ ތެރޭގައި ހިމެނެނީ ޓީވީއަކާއި، ސޯފާ ސެޓަކާއި، ފްރިޖްއަކާއި، މައިކްރޯވޭވް އަކާއި، ތެލި ސެެޓެއް އަދި ކޮންސިއަރޖް ގްރޫޕްގެ ފަރާތުން މެލޭޝިއާއަށް 2 ރިޓާން ޓިކެޓެވެ. 

މި ޕްރޮމޯޝަނަކީ އުރީދޫ މޯލްޑިވްސްއިން ތަފާތު އިވެންޓްތަކާއި ތަޖުރިބާތައް މެދުވެރިކޮށް މުޖުތަމައާ ގުޅުވާލުމަށް ކުރަމުންދާ މަސައްކަތުގެ ތެރެއިން ކުރިއަށްގެންދާ ޕްރޮމޯޝަނެއްކަމަށް އެކުންފުނިން ބުނެއެވެ.

ރެހެންދި ޓާފުގައި ބެހެއްޓިފައި ހުރި އުރީދޫ ޓެންޓަށް ޒިޔާރަތްކޮށްލައްވައިގެން މި ޕްރޮމޯޝަނުގައި ބައިވެރިވެވޭނެކަމަށް އުރީދޫއިން ބުނެއެވެ. އަދި ގޯލްޑަން ފުޓްސަލް މުބާރާތުގެ މެޗުތައް ކުރިއަށް ދާއިރު ކަސްޓަމަރުންނަށް ޚިދުމަތް ދިނުމަށްޓަކައި އުރީދޫ ޓެންޓުގައި އެކުންފުނީގެ ސްޓާފުން ހަރަކާތްތެރިވަމުންދާނެ ކަމަށާއި މި ޕްރޮމޯޝަން ކޮންމެ ހަފްތާއަކު ކުރިއަށްދާއިރު، އާ ނަސީބުވެރިން ގަވާއިދުން އިއުލާން ކުރާނެކަމަށްވެސް އުރިދޫއިން މައުލޫމާތުދެއެވެ.