ޑީ.އެން.އާރާއި އެމް.އައި.ބީއާ ދެމެދު މަޢުލޫމާތު ހިއްސާކުރުމުގެ އެއްބަސްވުމެއްގައި ސޮއިކޮށްފި
ޑިޕާޓްމަންޓް އޮފް ނޭޝަނަލް ރެޖިސްޓްރޭޝަން (ޑީ.އެން.އާރު) އިން ބަލަހައްޓަމުންގެންދާ ދިވެހިރައްޔިތުންގެ މަޢުލޫމާތު މޯލްޑިވްސް އިސްލާމިކް ބޭންކް (އެމް.އައި.ބީ) އާ ހިއްސާކުރުމާ ގުޅޭ މުހިންމު އެއްބަސްވުމެއްގައި މިއަދު ސޮއިކޮށްފިއެވެ.
ހޯމަ ދުވަހު ބޭއްވުނު ރަސްމިއްޔާތެއްގައި ސޮއިކުރެވުނު މި އެއްބަސްވުމުގެ މައިގަނޑު ބޭނުމަކީ، ޑީ.އެން.އާރުގެ ޑޭޓާބޭސްގައި ހުންނަ ދިވެހިރައްޔިތުންގެ ސައްޙަ މަޢުލޫމާތު އެމް.އައި.ބީއަށް ލިބޭނެ އިންތިޒާމު ހަމަޖެއްސުމެވެ.
ޑީއެންއާރްއިން ބުނީ މި އެއްބަސްވުމުގެ ދަށުން، ބޭންކުގެ ޚިދުމަތް ހޯދާ ކަސްޓަމަރުންގެ މަޢުލޫމާތު، ޑީ.އެން.އާރުގެ އޭ.ޕީ.އައި (API) ލިންކް މެދުވެރިކޮށް ވަގުތުން ވެރިފައިކުރެވޭނެ ކަމަށެވެ.
މީގެ ސަބަބުން ބޭންކުން ޢާއްމު ރައްޔިތުންނަށް ފޯރުކޮށްދެމުން ގެންދާ އެކި އެކި ޚިދުމަތްތައް ކުރިއަށްވުރެ އަވަސްވެ، ފަސޭހަވެ، އަދި ހަރުދަނާ ނިޒާމެއްގެ ދަށުން ކުރިއަށް ގެންދިއުމުގެ ފުރުޞަތު ފަހިވެގެންދާނެ ކަމަށް ޑީއެންއާރްއިން ބުނެއެވެ.
މީގެ ކުރިން 2025 ވަނަ އަހަރު ޑީ.އެން.އާރުން ވަނީ ބޭންކް އޮފް މޯލްޑިވްސް (ބީ.އެމް.އެލް) އާއެކުވެސް މިފަދަ މަޢުލޫމާތު ހިއްސާކުރުމުގެ އެއްބަސްވުމެއްގައި ސޮއިކޮށްފައެވެ.
Advertisement
This content is created and paid for by advertisers and does not involve Voice Journalists
