އިންޑިއާގެ ވެސްޓް ބެންގާލުން ނިޕާ ވައިރަހުގެ ކޭސްތައް ފެނުމުން ބައެއް އެއާޕޯޓްތައް އެލާޓަށް އަތުވެއްޖެއެވެ.
ނިޕާ ވައިރަސް މިފަހުން ފެނުނުކަމަށް އަދި މިހާތަނަށް މައުލޫމާތު ލިބިފައިވަނީ ވެސްޓް ބެންގާލުންނެވެ. މީޑިއާގެ ރިޕޯޓްތައް ބުނާގޮތުގައި ވެސްތްބެންގާލް ސްޓޭޓުން ނިޕާ ވައިރަހުގެ ކޭސްތައް ފެނުމާ ގުޅިގެން އެ ސަރަހައްދުން އަންނަ މީހުން ޗެކްކުރުމުގެ މަސައްކަތް ބައެއް އެއާޕޯޓްތަކުން ވަނީ ފަށާފައެވެ. މީގެ ތެރޭގައި ނޭޕާލް، ތައިެލންޑް، ޓައިވާން، ހޮންކޮން އެއާޕޯޓް ހިމެނެއެވެެ.
ރިޕޯޓްތައް ބުނާގޮތުގައި އެ އެއާޕޯޓްތަކުން ދަނީ ވެސްޓްބެންގާލުން އަންނަ ދަތުރުވެރިން ސްކްރީން ކުރުމުގައި ކުރިން ގެންގުޅުނު ހަރުކަށި ފިޔަވަޅުތައް އަޅަމުންނެވެ. ހާއްސަ ގޮތެއްގައި ހުންއައިސް ބަލިވެ އުޅޭ މީހުން އަންނަނަމަ، ކަރަންޓީން ކުރުމުގައި ގެންގުޅޭ މިންގަނޑުތަކަށް ވަނީ އަމަލުކުރަން ފަށާފައެވެ.
މިކަމާ ގުޅޭގޮތުން ތައިލެންޑް ސަރުކާރުން ބުނެފައިވަނީ އެޤައުމުން އަދި މިހާތަނަށް ނިޕާގެ ކޭހެއް ނުފެނުނު ނަމަވެސް ސްކްރީންކުރުމުގެ ކަންކަން އެއާޕޯޓްތަކުގައި ކަނޑައެޅިފައިވާ މިންގަނޑުތަކަށް ހަމަޖެހިފައިވާ އުސޫލްގެ ދަށުން ކުރިއަށްގެންދާނޭކަމަށެވެ.
ނިޕާ ވައިރަސް އެންމެ ފުރަތަމަ ފެނިފައިވާކަމަށް ރެކޯޑްކުރެވިފައިވަނީ 1998 ވަނަ އަހަރު މެލޭޝިއާއިންނެވެ. ވައިރަސް ފެނިފައިވަނީ އޫރު ގެންގުޅޭ ބައެއްގެ ތެރެއިންނެވެ. މި ވައިރަސް އާއްމުކޮށް ވަރަށް މަދުން ދޭތެރެ ދޭތެރެ ދޭތެރެއިން ފެންނައިރު، މިއީ ބަލިމަޑުކަމަކަށް ގޮސްދާނެ ބައްޔަކަމަށް ދުނިޔޭގެ ސިއްހަތު ޖަމިއްޔާއިން ވަނީ ކަނޑައަޅާފައެވެ.
ނިޕާ ވައިރަސް ފެތުރެނީ އެވައިރަސްގެ އަސަރު ކޮށްފައިވާ ޖަނަވާރާއި، ތަގައްޔަރުވެފައިވާ ކާބޯތަކެތިންނެވެ. ނިޕާ ވައިރަސް އިންސާނުންގެ ގަޔަށް އަރައިފިނަމަ، އަނެއް މީހާގެ ގަޔަށް ވައިރަސް އެރުމުގެ ފުރުސަތު އޮވެއެވެ. ބަލީގެ އަލާމާތްތަކުގެ ތެރޭގައި ވަރަށް ގަދައަށް ހުންއައުމާއި، ހޮޑުލުން ފާހަގަކޮށްލެވެއެވެ. ނިޕާ ވައިރަސްއަށް އަދި ހާއްސަ ވެކްސިނެއް އުފެއްދިފައެއް ނުވެއެވެ.
Advertisement
This content is created and paid for by advertisers and does not involve Voice Journalists
