ޓިކްޓޮކް ކުޅެމުން ކުޅެމުންގޮސް ޕޮލިސް ކާރު މައްޗަށް، ފުލުހުންގެ ކޮމެންޓެއް ނެތް
ދިވެހި އަންހެނަކު ފުލުހުންގެ ކާރެއް މައްޗަށް އަރާ އިނދެ ޓިކްޓޮކް ވީޑިއޯ ހެދި މައްސަލައެއް ފެންމަތިވެއްޖެ އެވެ.
އާންމުވެފައިވާ ވީޑިއޯއަކުން ފެންނަނީ ދިވެހި އަންހެނަކު ފުލުހުންގެ ކާރެއް މައްޗަށް އަރާ އިންނަ ވީޑިއޯ އެވެ. އެ ވީޑިއޯ ވަނީ ވަރަށް ބޮޑަށް ވައިރަލް ވެފަ އެވެ.
އެ ވީޑިއޯއާ ގުޅޭގޮތުން ފުލުހުންނާއި ސުވާލު ކުރުމުން އެއްވެސް ޖަވާބެއް ނުދެ އެވެ. އެ ވީޑިއޯ ސަމާލުކަމަށް އައި ކަމެއް އަދި އެކަމާއި ގުޅޭގޮތުން ބަލަން ޖެހޭ ކަންކަން ބަލަމުންދާ ކަމެއް ވެސް ނުބުނެ އެވެ.
އެކަމާއި ގުޅޭގޮތުން ސުވާލުކޮށް ވޮއިސް އިން ފޮނުވި މެސެޖު ފުލުހުންގެ މީޑިއާ އިން ސީން ކުރި ނަމަވެސް އެއްވެސް ޖަވާބެއް ނުދެ އެވެ.
ރާއްޖޭގައި އެންމެ ގިނަ ބަޔަކު ބޭނުންކުރާ ސޯޝަލް މީޑިއާ އެޕްލިކޭޝަނަކީ ޓިކްޓޮކެވެ. ނަމަވެސް ބައެއް މީހުން ޓިކްޓޮކް ގައި ލައިވް ހުތުރު ވާހަކަތަކާއި ފާހިޝް ވާހަކަތައް ދައްކަނީ ލަދެއް ނެތި އެވެ. ހުތުރު ވީޑިއޯތައް ވެސް ހަދާ އާންމު ކުރެ އެވެ.
Advertisement
This content is created and paid for by advertisers and does not involve Voice Journalists
