ބޭންކް އޮފް މޯލްޑިވްސް (ބީއެމްއެލް) އިން ދޫކޮށްފައިވާ ކްރެޑިޓް ކާޑުތަކުން ރާއްޖޭން ބޭރުގައި ކުރެވޭ މުއާމަލާތްތަކުގެ ލިމިޓް 2 ގުނަ އިތުރުކުރުމަށް އެ ބޭންކުން ނިންމައިފިއެވެ.
މި ނިންމުމުގެ ދަށުން، ބީއެމްއެލްގެ 'ކްލެސިކް' ކްރެޑިޓް ކާޑުތަކުން މަހެއްގެ މައްޗަށް ކުރެވޭ ބޭރުގެ މުއާމަލާތްތަކުގެ ލިމިޓް 750 ޑޮލަރުން 1,400 ޑޮލަރަށް ވަނީ އިތުރުކޮށްފައެވެ. އަދި 'ގޯލްޑް' ކާޑުތަކުގެ ލިމިޓް 750 ޑޮލަރުން 1,500 ޑޮލަރަށް ބޮޑުކޮށްފައިވާއިރު، 'ޕްލެޓިނަމް' ކާޑުތަކުގެ ލިމިޓް ވަނީ 1,500 ޑޮލަރުން 3,000 ޑޮލަރަށް އިތުރުކޮށްފައެވެ.
ބޭންކުން ހާމަކޮށްފައިވާ ގޮތުގައި މި ނިންމުމަށް އަމަލުކުރަން ފަށާނީ 1 ފެބުރުވަރީ 2026 އިން ފެށިގެންނެވެ.
ބީއެމްއެލްއިން މި ނިންމި ނިންމުމަކީ ރާއްޖޭން ބޭރަށް ކުރާ ދަތުރުތަކާއި، އޮންލައިން ޝޮޕިންގް، ތައުލީމީ އަދި ސިއްހީ ކަންކަމަށް ކުރާ ހޭދަ ފަދަ ބައިނަލްއަގުވާމީ މުއާމަލާތްތަކުގައި ކާޑު ބޭނުންކުރާ ދިވެހިންނަށް އިތުރު ލުއިފަސޭހަކަމާއި ފުރުސަތުތައް ފަހިވެގެންދާނެ ކަމެކެވެ.
Advertisement
This content is created and paid for by advertisers and does not involve Voice Journalists
