ގެއްލިގެން ހޯދަމުން ދަނިކޮށް މަރުވެފައި އޮއްވާ ފެނިފައިވަނީ ބަންގްލަދޭޝްގެ ރައްޔިތެއް ކަމަށްވާ އަމީން މިއާ (24އ) ކަމަށް ފުލުހުން ބުނެފި އެވެ.
ފުލުހުން ބުނީ މިހާތަނަށް ބެލި ބެލުމުން، އަމީން މިއާ މަރުވުމުގެ ހާދިސާ ހިނގާފައިވަނީ ޖެނުއަރީ 26 ވަނަ ދުވަހުކަން އެނގިފައިވާ ކަމަށެވެ.
މި މައްސަލައިގެ ތަހުގީގު ކުރިއަށްދާ މިންވަރަކުން ހާމަކުރެވެންހުރި މައުލޫމާތު ހާމަކުރަމުންދާނެ ކަމަށް ވެސް ބުންޏެވެ.
ތިލަފުށީން ގެއްލިގެން ހޯދަމުންދިޔަ ބިދޭސީ މީހާ މަރުވެފަައި އޮއްވާ ފެނިފައިވާ ކަމަށް ފުލުހުން ބުނީ ރޭގެ ވަގުތެއްގަ އެވެ.
އެ މީހާ ގެއްލިފައިވަނީ ވަނީ މި މަހުގެ 26 ވަނަ ދުވަހު އެވެ. ދެ ދުވަސް ފަހުން އެ މީހާ ގެއްލިފައިވާކަން ފުލުހަށް ރިޕޯޓް ކުރީ އިއްޔެ އެވެ.
އެއީ ތިލަފުށީ ސައިޓެއްގައި މަސައްކަތް ކުރަމުންދިޔަ ބަންގްލަދޭޝް މީހެއް ކަމަށް ވެ އެވެ.
އެ މީހާ ގެއްލުނު ހާދިސާއާ ގުޅިގެން ތަފާތު އެކި ވާހަކަތައް ދަނީ ފެތުރެމުންނެވެ. އޭނާއަށް ބޮޑު އަނިޔާއެއްދީ ތާކަށް އެއްލާލި ކަމަށް ވެސް ވާހަކަ ދެކެވެ އެވެ. ނަމަވެސް މި ތުހުމަތުތަކާއި ގުޅޭގޮތުން ފުލުހުން ވަކި އެއްޗެއް ނުބުނެ އެވެ.
Advertisement
This content is created and paid for by advertisers and does not involve Voice Journalists
