މާލޭގައި ބޯކޮށާ ސެލޫނަކުން ވައްކަން ކުރަން އުޅުމުގެ ތުހުމަތުގައި 2 ދިވެހިން ހައްޔަރުކޮށްފިއެވެ.
ހައްޔަރުކޮށްފައިވަނީ 43 އަހަރުގެ އަންހެނަކާއި 37 އަހަރުގެ ފިރިހެނެކެވެ.
މި ދެމީހުންގެ މައްޗަށް ކްރިމިނަލް ކޯޓުން އިއްޔެ ވަނީ ވައްކަމާއި ހުއްދަ ނޫން ތަނަކަށް ވަންނަން އުޅުމުގެ ތުހުމަތުގައި ބަންދު މުއްދަތު ޖަހައިފައެވެ. މި ދެމީހުންނަށް ބަންދަށް ޖަހާފައިވަނީ 15 ދުވަހެވެ.
ބަންދު އަމުރުގައިވަނީ، އެ ދެ މީހުން ކުރި ކަމަށް ތުހުމަތު ކުރެވޭ ކުށް ކުރި ކަމަށް ކޮންމެވެސް ވަރަކަށް ބާރުދޭ މިންވަރެއްގެ ހެކި ހުށަހަޅައިފައިވާ ކަމަށެވެ. އެގޮތުން، އެ ދެ މީހުން، ސެލޫނެއްގެ ދޮރު ފޭކޮށްގެން ވައްކަން ކުރަން އުޅުނު ކަމަށް ތުހުމަތު ކުރެވޭ ކަމަށް އަމުރުގައިވެއެވެ.
ފުލުހުން މިހާރުވަނީ އެ ދެ މީހުން ގެންގުޅުނު އުޅަނދެއް ބެލުމުގެ ދަށަށް ގެންގޮސްފައެވެ. އަދި އެ އުޅަނދުން، ދޮރު ހަލާކުކޮށްލަން ބެނުން ކުރި ކަމަށް ބެލެވޭ ފުށްކަށްޓެއް ފެނުނު ކަމަށް ކޯޓު އަމުރުގައި ބަޔާންކޮށްފައިވެއެވެ.
ފުލުހުންގެ ތަފާސްހިސާބުތަކަށް ބަލާއިރު، މި އަހަރުގެ މިހާތަނަށް ފުލުހުންނަށް އެންމެ ގިނައިން ހުށަހަޅައިފައިވަނީ ވައްކަމުގެ މައްސަލަތަކެވެ. އެގޮތުން، މިދިޔަ އަހަރު ފުލުހަށް ހުށަހަޅާފައިވާ 12,096 މައްސަލައިގެ ތެރެއިން 3,478 މައްސަލައަކީ ވައްކަމުގެ މައްސަލައެވެ.
Advertisement
This content is created and paid for by advertisers and does not involve Voice Journalists
