ރާއްޖޭގެ ވަޒީފާގެ ބާޒާރު ދުވަހުން ދުވަހަށް ކުރިއަރަމުންދާއިރު، ވަޒީފާ ދޭ ފަރާތްތަކާއި ވަޒީފާ ހޯދާ ފަރާތްތައް އެއް ފުރާޅެއްގެ ދަށުން ގުޅުވައިދޭނެ ޒަމާނީ ޑިޖިޓަލް ނިޒާމެއް ކަމަށްވާ "ރުކުރި" އައިލެންޑް ރެކްރޫޓްސް އިން ތައާރަފްކޮށްފިއެވެ.
2023 ވަނަ އަހަރު އުފެއްދި މި ޕްލެޓްފޯމަކީ ހާއްސަކޮށް ރާއްޖޭގެ ފަތުރުވެރިކަމުގެ ދާއިރާއަށް އަމާޒުކޮށްގެން ފަރުމާކޮށްފައިވާ ނިޒާމެކެވެ. ފަތުރުވެރިކަމުގެ ސިނާއަތް ފުޅާވަމުންދާ މިންވަރަށް، ވަޒީފާގެ މަރުހަލާތައް އަވަސްކޮށް، ދެފުށް ފެންނަ ގޮތަށް ކުރިއަށް ގެންދިއުމަކީ މި ޕްލެޓްފޯމް އުފެއްދުމުގެ މައިގަނޑު މަގުސަދެވެ.
ރުކުރީގެ މައިގަނޑު ތިން އަސާސް:
ވަޒީފާގެ ފުރުސަތުތަކުގެ ސާފުކަން: ލަގްޒަރީ ރިސޯޓްތަކުގެ އިސް މަގާމުތަކުން ފެށިގެން، ގެސްޓްހައުސް، ރެސްޓޯރެންޓް އަދި ފަތުރުވެރިކަމުގެ އެކި ހިދުމަތްތަކުގެ ވަޒީފާތައް މި ޕްލެޓްފޯމް މެދުވެރިކޮށް އެއް ތަނަކުން ފެންނަން ހުންނާނެއެވެ.
ފަސޭހަކަމާއެކު ވަޒީފާއަށް ކުރިމަތިލުން: ވަޒީފާ ހޯދާ ފަރާތްތަކަށް އެއް ތަނަކުން ހުރިހާ އެޕްލިކޭޝަނެއް ބެލެހެއްޓޭއިރު، ވަޒީފާ ދޭ ފަރާތްތަކަށްވެސް އުނދަގުލެއް ނެތި ކެންޑިޑޭޓުންގެ މައުލޫމާތު ބަލައިލެވެއެވެ.
ދެފުށް ފެންނަ ނިޒާމެއް: ވަޒީފާގެ މަރުހަލާ ހިނގަމުންދާ ގޮތް ވަގުތުން ބަލައިލެވޭނެ އިންތިޒާމު ހަމަޖެހިފައިވުމުން، ދެ ފަރާތުގެ މެދުގައި އިތުބާރު ބޮޑުވެގެންދެއެވެ.
މި ޕްލެޓްފޯމްގެ ސަބަބުން ވަޒީފާ ހޯދާ ފަރާތްތަކަށް އެމީހުންގެ މުޅި ކެރިއަރު އެއް ތަނަކުން މެނޭޖުކުރުމުގެ ފުރުސަތު ލިބިގެންދާނެއެވެ. އަދި ވަޒީފާ ދޭ ފަރާތްތަކަށް ވަޒީފާ އިއުލާންކުރުމާއި، ކެންޑިޑޭޓުންގެ ޕްރޮފައިލް ބެލުމުގެ އިތުރުން، މުޅި ހަޔަރިންގް ޕްރޮސެސް ހަލުވިކަމާއެކު ކުރިއަށް ގެންދެވޭނެއެވެ. މީގެ އިތުރުން، ރިސޯޓްތަކަށް ކުއްލިއަކަށް ބޭނުންވާ ފްރީލާންސް ނުވަތަ ކުރު މުއްދަތުގެ މުވައްޒަފުން ހޯދުމަށްވެސް "ރުކުރި" ގައި ވަނީ ހާއްސަ ބައެއް ހިމަނާފައެވެ.
އައިލެންޑް ރެކްރޫޓްސްގެ ފައުންޑަރ އަލީ ފާއިޒް (ތޮމްޕޭ) ވިދާޅުވީ، އެއް ފުރާޅެއްގެ ދަށުން މި ފުރުސަތުތައް ފަހިކޮށްދިނުމުން ދިވެހި މަސައްކަތްތެރިން ބާރުވެރިވެ، ވަޒީފާ ދޭ ފަރާތްތަކަށް އެންމެ އެކަށީގެންވާ މީހާ ހޯދުމަށް މަގުފަހިވެގެންދާނެ ކަމަށެވެ.
އިތުބާރު ހިފޭ މާހައުލެއް ބިނާކުރުމަށްޓަކައި، ރުކުރި މެދުވެރިކޮށް މަސައްކަތުގެ ތަޖުރިބާ ޔަގީންކުރުމާއި، ރެފަރެންސް ޗެކްކުރުމުގެ އިތުރުން ޕްރޮފައިލް ވެރިފައިކުރުމުގެ ނިޒާމެއްވެސް ވަނީ ގާއިމުކޮށްފައެވެ. ވެބްސައިޓާއި ކޮމްޕިއުޓަރުން ފަސޭހައިން ބޭނުންކުރެވޭ ގޮތަށް ފަރުމާކޮށްފައިވާ މި ޕްލެޓްފޯމަކީ ރާއްޖޭގެ ވަޒީފާގެ ބާޒާރު ޒަމާނީ ފެންވަރަކަށް ބަދަލުކުރުމަށް ކުރެވޭ މުހިންމު މަސައްކަތެކެވެ.
Advertisement
This content is created and paid for by advertisers and does not involve Voice Journalists
