ޕާކިސްތާންގައި ދިން ހަމަލާ ރާއްޖޭއިން ކުށްވެރިކޮށްފި
ޕާކިސްތާނުގެ ބަލޫޗިސްތާނުގައި ދިން ޓެރަރިސްޓް ހަމަލާ ރާއްޖެއިން ކުށްވެރިކޮށްފިއެވެ.
މިޓެރަރިސްޓް ހަމަލާ ކުށްވެރިކޮށް ދިވެހި ޚާރިޖީ ވުޒާރާއިން ނެރުނު ބަޔާނެއްގައި ބުނެފައިވަނީ، ރާއްޖޭން އަބަދުވެސް ޓެރަރިޒަމްގެ ހުރިހާ ބާވަތެއްގެ އަމަލުތަކާއި ދެކޮޅު ހަދާނެ ކަމަށެވެ. އަދި ހޮނިހިރު ދުވަހު ޕާކިސްތާނުގެ ބަލީޗިސްތާނުގައި ދިން ހަމަލާ ހަރުކަށި އިބާރާތުން ކުށްވެރިކުރާ ކަމަށް ވެސް ބުނެފައިވެ އެވެ. އަދި މި ހަމަލާގެ ޝިކާރައަކަށްވީ މީހުންގެ އާއިލާތަކަށް ތައުޒިޔާ ކިޔާ ކަމަށާއި، މި ދަނޑިވަޅުގައި ދިވެހިރާއްޖެ އޮތީ ޕާކިސްތާނުގެ ލޮބުވެތި ރައްޔިތުންނާއެކުގައި ކަމަށްވެސް މިނިސްޓްރީގެ ބަޔާނުގައި ބުނެފައިވެއެވެ.
މިދިޔަ ހޮނިހިރު ދުވަހު ޕާކިސްތާނުގެ ހުޅަނގު ދެކުނު ބަލޫޗިސްތާން ސަރަޙައްދުގައި، އެއް ވަގުތެއްގައި ދިން ޙަމަލާތަކެއްގައި ފުލުހުންގެ ދިން ނިރުބަވެރި ހަމަލާގައި އާއްމުންގެ 31 މީހުންނާއި ސިފައިންގެ 17 މީހަކު މަރުވެފައިވެ އެވެ. މި ހަމަލާގެ ޒިންމާ އެ ގައުމުގެ ހަނގުރާމަވެރި ޖަމާއަތް ބަލޫޗިސްތާނު ލިބަރޭޝަން އާމީ ނުވަތަ ބީއެލްއޭއިން ވަނީ އުފުލާފައެވެ. ބީއެލްއޭއަކީ ބަލޫޗިސްތާންގެ ރައްޔިތުންގެ ޙައްޤުތައް ޙިމާޔަތް ކުރުމުގެ ނަމުގައި ހަނގުރާމަ ކުރަމުންދާ ހަތިޔާރު އެޅި ޖަމާޢަތެކެވެ.
Advertisement
This content is created and paid for by advertisers and does not involve Voice Journalists
