އާރްޑީސީއިން ފައިސާ ނެގިވަރަށް މިދިޔަ ސަރުކާރުގައި މަސައްކަތް ކުރެވިފައެއް ނެތް: ނަޒީމް
މިދިޔަ ސަރުކާރުގައި ކުރިއަށް ގެންދިޔުމަށް އާރްޑީސީއާއި ހަވާލުކުރި މަޝްރޫއުތަކަށް އެ ކުންފުނިން ނެގި ފައިސާއާއި އެކަށޭނެ މިންވަރަށް މަސައްކަތް ކުރެވިފައި ނެތްކަމަށް ރޯޑް ޑިވަލޮޕްމެންޓް ކޯޕަރޭޝަންގެ މެނޭޖިންގ ޑިރެކްޓަރ އިބްރާހީމް ނަޒީމް ވިދާޅުވެއްޖެއެވެ.
ނަޒީމް މިހެން ވިދާޅުވި ދައުލަތުގެ މީޑިއާގެ ޕްރޮގުރާމެއްގައި ވާހަަކަފުޅު ދައްކަމުންނެވެ.
މި ޕްރޮގުރާމްގެ ތެރެއިން، ކުރީ ސަރުކާރުން އާރްޑީސީއާއި ހަވާލުކޮށްފައިވާ 17 ރަށެއްގެ މަގު ހެދުމުގެ މަޝްރޫއު އަލުން ފަށާފައިވާއިރު، މި މަޝްރޫއުތައް ހުއްޓުމުގެ ސަބަބަކީ ކޮބައިތޯ ކުރެވުނު ސުވާލަށް ޖަވާބު ދެއްވަމުން ނަޒީފް ވިދާޅުވީ މި ސަރުކާރާއި ހަމައަށް އައި އިރު މި މަސައްކަތްތައް ހުރީ އެއްކޮށް ހުއްޓިފައި ކަމަށެވެ. އަދި މި ޕްރޮޖެކްޓުތަކަށް ކަނޑައެޅިފައި އޮތް ބަޖެޓުގެ ވަރަށް ބޮޑު ޕަސެންޓޭޖެއްގެ ފައިސާ ހުރީ އާރްޑީސީއަށް ނަގާފައި ކަމަށްވިޔަސް އެއާ އެކަށޭނެ އަމަލީ މަސައްކަތެއް ކުރެވިފައި ނުވާކަމަށެވެ. އެހެންކަމުން، މި ސަރުކާރުން މި މަސައްކަތް ކުރިއަށް ގެންދަން ބެލި އިރު ބަޖެޓުގައި ހުރީ ވަރަށް މަދު އަދަދެއްކަމަށްވުމުން މި މަސައްކަތް އަލުން ފަށާ، ކުރިއަށް ގެންދިޔުމަށް ބޮޑެތި ހުރަސްތަކެއް ކުރިމަތިވިކަމަށްވެސް ނަޒީފް ވިދާޅުވިއެވެ.
"މިއީ ކުރީ ސަރުކާރުން އާރްޑީސީއާއި ހަވާލުކުރެވިފަ އަދި އޭގެ ވަރަށް ގިނަ އަދަދެއްގެ ފައިސާ ވެސް ކުންފުންޏަށް ނަގާފަ އެ ފައިސާ އަޅުގަނޑުމެންނަކަށް ނޭނގޭ ބޭނުންކޮށްފަ ހުރީ ކޮންކަމަކަށް ކަމެއް. މަގުތަކުގެ މަސައްކަތެއް ކުރިއަށް ގޮއްސައެއް ނެތް"
ރޯޑް ޑިވަލޮޕްމެންޓް ކޯޕަރޭޝަންގެ މެނޭޖިންގ ޑިރެކްޓަރ އިބްރާހީމް ނަޒީމް
ނަމަވެސް މި މަސައްކަތްތައް އަލުން ފަށާ، ކުރިއަށް ގެންދެވެން ފެށީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވިސްނުންފުޅާއި، މި މަސައްކަތްތަކަށް ދެއްވި އަހައްމިއްޔަތުގެ ސަބަބުންކަމަށް ވެސް ނަޒީފް ވިދާޅުވިއެވެ.
އަދި މި މަސައްކަތްތައް މިހާރު ބާޑު ސްޕީޑުގައި ކުރިއަށްދާކަމަށާއި، މިވަގުތު 5 ރަށެއްގެ މަސައްކަތް ތާރުއެޅުމާއި ހަމައަށް ނިމިފައިވާކަމުގެ ޔަގީންކަންވެސް ނަޒީފް ވަނީ ދެއްވާފައެވެ.
Advertisement
This content is created and paid for by advertisers and does not involve Voice Journalists
