ކުރިއަށްއޮތް ރަމަޟާންމަހުގެ ރޯދަ އިނާޔަތުގެ ގޮތުގައި ދޭ ފައިސާ އަންނަ ހަފްތާގެ ބްރާސްފަތިދުވަހު ދީ ނިންމުމަށް ފިނޭންސް މިނިސްޓްރީން ސަރުކާރު އޮފީސްތަކަށް އަންގައިފިއެވެ.

ފިނޭންސް މިނިސްޓްރީން އޮފީސްތަކަށް ފޮނުވި ސާކިއުލާގައި ބުނެފައިވަނީ، ރޯދަ އިނާޔަތުގެ ގޮތުގައި ދޭ ފައިސާ މިމަހުގެ 12 ވަނަ ދުވަހު ދިނުމަށް ނިންމާފައިވާކަމަށެވެ. ފިނޭންސުން ވަނީ ރޯދަ އިނާޔަތުގެ ގޮތުގައި ދޭ ފައިސާ މިމަހުގެ 18 ވަނަ ދުވަހުގެ ކުރިން އެ ފައިސާ ޕަބްލިކް އެކައުންޓިން ސިސްޓަމަށް އަޕްލޯޑުކޮށް ނިންމުމަށް އަންގާފައެވެ.

ފިނޭންސުން އޮފީސްތަކަށް ފޮނުވި ސާކިއުލާގައި ވަނީ ރޯދަމަސް ފެށޭއިރު "ޕޭ ލީވް"އަދި "ނޯ ޕޭ ލީވް" ގައި ތިބޭ މުއައްޒަފުންނަށް ރޯދަ އެލަވަންސް ނުދޭން އަންގާފައެވެ. އަދި އެފަދަ މުއައްޒަފަކަށް އިނާޔަތް ދޭނީ އޭ މުއައްޒަފަކު ރޯދަމަހު ވަޒީފާއަށް ނިކުންނަ ދުވަހަށް ބަލައިގެން ޖެހޭ ނިސްބަތަށް ބަލައިގެންނެވެ.

ޤާނޫނުން ލާޒިމްކުރަނީ ރޯދަ އިނާޔަތުގެ ގޮތުގައި މުސްލިމް ކޮންމެ މުއައްޒަފަކަށް 3،000 ރުފިޔާ ދިނުމަށެވެ.