އިލެކްޝަންސް ކޮމިޝަންގެ މެންބަރު ކަމަށް ހުޅުވާލުމުން ކުރިމަތިލީ ބޭފުޅުންގެ ތެރެއިން ކޮމިޝަންގެ މެންބަރު ކަމަށް އެކޮމިޝަންގެ ކުރީގެ ލީގަލް ޑިޕާޓްމަންޓްގެ ޑެޕިއުޓީ ޑިރެކްޓަރު ރިފްއަތު ޢަބްދުﷲ އައްޔަނުކޮށްދޭން އެދިއްޖެ އެވެ.
އިލެކްޝަންސް ކޮމިޝަންގެ މެންބަރު ކަމަށް ދެތީން ފަހަރެއްގެ މަތީން ހުޅުވާލި އެވެ. ފަހުގެ އިއުލާނަށް އިޖާބަދީ ފަސް ބޭފުޅަކު ކުރިމަތިލި އެވެ. އެ ބޭފުޅުންގެ ނަންތައް ރައީސުލްޖުމްހޫރިއްޔާ ވަނީ ރައްޔިތުންގެ މަޖިލީހަށް ފޮނުވާފަ އެވެ. ނަންތައް ފޮނުއްވެވީ އިސްކަންދޭ ތަރުތީބުންނެވެ.
ލިސްޓްގެ ކުރީގައި އޮތީ އީސީގެ ކުރީގެ ލީގަލް ޑިޕާޓްމަންޓްގެ ޑެޕިއުޓީ ޑިރެކްޓަރު ރިފްއަތު ޢަބްދުﷲ އެވެ.
ކޮމިޝަނަށް މެންބަރަކު އައްޔަނު ކުރަނީ އެ ކޮމިޝަންގައި މިހާރު ތިއްބެވި މެންބަރުންގެ ތެރެއިން ޑރ. މުޙައްމަދު ޒާހިދުގެ މެންބަރު ކަމުގެ މުއްދަތު ހަމަވާތީ އެވެ. އިތުރު ދައުރަކަށް ޒާހިރު ވެސް ކުރިމަތިލެއްވި އެވެ. ނަމަވެސް އޭނާގެ ނަން އޮތީ ރައީސްގެ ލިސްޓްގެ ތިންވަނާގަ އެވެ.
ރިފްއަތު މިހާރު ހުންނެވީ ނޭޝަނަލް އިންޓަގްރިޓީ ކޮމިޝަންގެ ޑިރެކްޓަރު ކަމުގަ އެެވެ.
Advertisement
This content is created and paid for by advertisers and does not involve Voice Journalists
