ރާއްޖޭގައި 16 އަހަރުން ދަށުގެ ކުޑަކުދިންނަށް ސޯޝަލް މީޑިއާއަށް ނުވަދެވޭ ގޮތް ހެދުމަށާއި، އެއްވެސް އުމުރެއްގެ ދަރިވަރަކަށް ސްކޫލަށް ފޯނު ނުވެއްދޭނޭހެން ކަނޑައަޅައިދިނުމަށް އެދި ރައްޔިތުންގެ މަޖިލީހަށް އީ-ޕެޓިޝަނެއް ހުށަހަޅައި ސޮއި ހޯދުމުގެ މަސައްކަތް ފަށައިފިއެވެ. 

މި ޕެޓިޝަން ހުށަހެޅީ ސ. ހިތަދޫ އަށް ނިސްބަތްވާ އަލީ އާނިމް މުފީދު، އެވެ.

އެ ޕެޓިޝަންގައި ބުނެފައިވަނީ، ދިވެހި ރާއްޖޭގައި މިފަހަކަށް އައިސް ކުޑަކުދިން މޯބައިލް ފޯނާއި އެހެނިހެން ވަސީލަތްތަށް ބޭނުންނކޮށްގެން ސޯޝާލް މީޑީޔާގެ އެކި މަންސުތަކުގެ ބޭނުުން ކުރަމުން އަންނަ ކަމަށެވެ.

އަދި އެކުދިން ކުރާ ކަމެއް ގިނަވަގުތު ބަލާލަން ބެލެނިވެރިންނަށްވެސް ވަގުތެއް ނުވާ ހާލަތްތަކާއިވެސް ދިމާވާ ކަމަށާ، ކުޑަ ކުދިންނަށް ޔޫޓިއުބް, ޓިކްޓޮކް އަދިވެސް އެހެނިހެން މަންސަތަކުން އެކި ކަހަލުގެ ފާހިޝް ނުބައި ބަސްތަކާއި އަމަލުތައް ދަސްކޮށް ދެމުންދާ ކަމަށެވެ.

އޭގެ ސަބަބުން ކުޑަ ކުދިންނަށް އެކި ކަހަލުގެ ނޭދެވޭ އަހުލާގީ އަދި ތޮބީޢީ ބަދަލުތަކެއް އަންނަކަމަށްވެސް ބުނެފައުވެއެވެ. 

އެހެންވެ، އެ ޕެޓިޝަންގައި އެދިފައިވަނީ ،ފޭސްބުކް, ޓްވިޓާ، ޔޫޓީއުބް އަދި ޓިކްޓޮކްގެ އިތުރުން ބައެއް ނޫސްތަކާއި އެނޮނިމަސްކޮށް ޕޯސްޓްކޮށް ހެދޭނެ ވެބްސައިޓްތަކަށް 16 އަހަރުން ދަށުގެ ކުޑަކުދިންނަށް ނުވަދެވޭނޭހެން ގާނޫނު އިސްލާހު ކުރުމަށެވެ.

އިއްޔެ ޕޯޓަލްއަށް ހުށަހަޅާފައިވާ މި ޕެޓިޝަންގައި މިހާތަނަށް ސޮއި ކުރީ 19 މީހުންނެވެ.

ރަސްމީކޮށް މަޖިލީހަށް ޕެޓިޝަން ހުށަހެޅުމަށް 6 ހަފްތާ ތެރޭ 500 މީހުންގެ ސޮއި ބޭނުންވެއެވެ.