ރާއްޖޭގެ މައި ވައިގެ ބަނދަރު -- ވެލާނާ އިންޓަނޭޝަނަލް އެއާޕޯޓްގެ އެތެރޭގެ ދަތުރުތަކަށް ޓާމިނަލް ދޭއް (ކުރީގެ ބާ ޓާމިނަލް) ބޭނުން ކުރަން ތައްޔާރުވެއްޖެ އެވެ.

މިދިޔަ އަހަރުގެ މިނިވަން ދުވަހު ވީއައިއޭ އާ ޓާމިނަލް ވަނީ ހުޅުވާފަ އެވެ. އެންމެ ޒަމާނީ ވަސީލަތްތަކާއި ހިތްގައިމު މާހައުލެއް ހިމެނޭ އާ ޓާމިނަލް އަކީ ވީއައިއޭގެ ޓާމިނަލް އެކެކެވެ. ފިޔަަވަހިތަކަކަށް ބަހާލައިގެން ބޭރުގެ ހުރިހާ ދަތުރެއް ވަނީ އާ ޓާމިނަލަށް ބަދަލުކޮށްފަ އެވެ.

އޭގެ ފަހުން ޓާމިނަލް ދެއަކަށް ބައެއް ބަދަލުތައް ގެނެސް ކުރަން ޖެހޭ މަރާމާތެއް ވަނީ ކޮށްފަ އެވެ. އެމްއޭސީއެލްގެ އޮފިޝަލަކު ވިދާޅުވި ގޮތުގައި އެއާޕޯޓުން ކުރާ އެތެރޭގެ ހުރިހާ ދަތުރުތަކެއް ޓާމިނަލް ދެއަކަށް ބަދަލު ކުރަން ވަނީ ނިންމާފަ އެވެ. އެ ގޮތުން މާދަމާ އެކަމަށްޓަކައި ހާއްސަ ރަސްމިއްޔާތެއް ބާއްވާނެ އެވެ. އެ ރަސްމިއްޔާތު ޝަރަފުވެރި ކޮށް ދެއްވާނީ ރައީސުލްޖުމްހޫރިއްޔާގެ ނާއިބު ހުސައިންް މުޙައްމަދު ލަތީފެވެ.

އަދި އޭގެ ފަހުން އެތެރޭގެ ހުރިހާ ދަތުރުތަކެއް ކުރާނީ ބާ ޓާމިނަލްް އިންނެވެ.

މި ބަދަލުގެ ސަބަބުން އެތެރޭގެ ދަތުރުތައް ކުރާ ހުރިހާ އެންމެންނަށް ބޮޑު ފަސޭހައެއް ލިބިގެންދާނެ އެވެ.