ރަމަޟާން މަހުގެ ރޭތައް އިހްޔާ ދިރުވުމުގެ ގޮތުން ކުރިއަށް ގެންދާ އިހްޔާ ފޯރަމްގެ 8 ޕްރަގްރާމް މި އަހަރުވެސް މާލޭގައި ކުރިއަށް ގެންދާނެ ކަމަށް އިސްލާމިކް މިނިސްޓްރީން ބުނެފި އެވެ.

އިހްޔާ ފޯރަމްތައް މާލެއާ އަތޮޅުތަކުގައިވެސް ކުރިއަށް ގެންދެ އެވެ. އެގޮތުން މާލޭގެ އިސްލާމީ މަރުކަޒުގައި މި އަހަރު މި ސިލްސިލާގެ ދަށުން 8 ޕްރަގްރާމެއް ކުރިއަށް ގެންދާނެ އެވެ. ފުރަތަމަ ޕްރަގްރާމް އޮންނާނީ މާދަމާ ރެ އެވެ. މާދަމާ ރޭ އޮންނަ ފޯރަމްގައި ތަގްރީރު ކުރައްވާނީ އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސައީދެވެ. މައުލޫއަކީ ރަމަޟާން މަހުގެ މަތިވެރި ކަމެވެ.

މީގެ އިތުރުން ޑރ. އަލީ ޒާހިރު ބިން ސައީދު ގާސިމް އާއި ޑރ. މޫސާ އަންވަރު ހަސަން އާއި ޑރ. ސައުދުالله އަލީ އާއި އަައްޝައިހް މުހައްމަދު ލަތީފް އާއި ޑރ. އަބްދުއްސައްތާރު އަބްދުއްރަހްމާން އާއި ޑރ. އަނާރާ ނައީމް އަދި އައްޝައިހް އަހްމަދު ސަމީރު ވެސް މި އަހަރުގެ ފޯރަމްތަކުގައި ތަގުރީރު ކުރައްވާނެ އެވެ.

މި އަހަރުގެ ރަމަޟާން މަހު އަތޮޅު އިޙްޔާ 10 ރަށެއްގައި ބޭއްވުމަށް ވެސް މިނިސްޓްރީން ވަނީ ނިންމާފަ އެވެ. 

އިޙްޔާ ފޯރަމްތައް ބޭއްވުމަށް ހަމަޖެހިފައިވަނީ ތިނަދޫ ސިޓީ އާއި ތ. ދިޔަމިގިއްޔާއި ގދ. މަޑަވެއްޔާއި ގދ. ގައްދޫ އާއި ހއ. އިހަވަންދޫ އާއި ޅ. ނައިފަރާއި ކ. ހިންމަފުއްޓާއި ކ. ގުރައިދޫ އާއި ލ. މާވަށާއި ރ. މީދޫގަ އެވެ.

މި ސިލްސިލާ ފޯރަމްތަކުގެ މައިގަނޑު މަގުސަދަކީ ދީނީ ހޭލުންތެރިކަން އިތުރުކުރުމާއި، ރަމަޟާން މަހުގެ މަންފާ އެންމެ ފުރިހަމަ ގޮތުގައި އާންމުންނަށް ފޯރުކޮށްދިނުން