ހިޔާ ނުވަތަ ވެށިފަހި މަޝްރޫޢުގެ ދަށުން ފުލެޓް ލިބޭނެކަމުގެ ލިޔުން ލިބި، ނަމަވެސް ފުލެޓް ނުލިބުނު ފަރާތްތަކަށް ޚާއްސަ ކެޓަގަރީއަށް އެޕްލައި ކުރުމުގައި، ފުލެޓު ލިބޭނެ ކަމުގެ ރަސްމީ ލިޔުން ނެތް ނަމަވެސް، އެކަން ސާބިތުކޮށްދޭ އެހެން ލިޔުމެއް ހުށަހެޅިދާނެ ކަމަށް ހައުސިން މިނިސްޓްރީން ބުނެފިއެވެ.

މިނިސްޓްރީން ބުނީ، ކަމާގުޅޭ އިދާރާއަކުން ޢާންމުކޮށްފައިވާ ލިސްޓަކުން ނުވަތަ ދޫކޮށްފައިވާ އެހެން ލިޔުމަކުން އެފަރާތަކަށް ފުލެޓު ލިބޭނެކަން ކަށަވަރުވާނަމަ، އެފަދަ މަޢުލޫމާތެއް ނުވަތަ ލިޔުމެއް ހުށަހަޅައިގެން މިހާރު ހުޅުވާލާފައިވާ ފުރުޞަތުގައި ބައިވެރިވެވޭނެ ކަމަށެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ "ބޯހިޔާވަހިކަން އެންމެންނަށް" ސިޔާސަތުގެ ދަށުން، ފްލެޓާއި ގޯއްޗަށް އެދި ހުށަހެޅުމުގެ ފުރުޞަތު ހުޅުވާލާފައިވަނީ މި މަހުގެ 18 ވަނަ ދުވަހުއެވެ. ފުލެޓަށް އެދުމުގެ ފުރުޞަތު އަންނަ އޭޕްރީލް މަހުގެ 17 ވާ ހުކުރު ދުވަހުގެ ރޭގަނޑު 23:59 އާ ހަމައަށް ހުޅުވާލާފައިވާ ކަމަށް މިނިސްޓްރީން މަޢުލޫމާތުދެއެވެ.

ކުރީގެ ރައީސް ޢަބްދުالله ޔާމީން ޢަބްދުލްޤައްޔޫމްގެ ވެރިކަމުގައި ހުޅުމާލޭ ދެވަނަ ފިޔަވަހީގައި އެޅި ހިޔާ ފުލެޓްތަކުގެ ތެރެއިން، ފުލެޓް ލިބޭނެކަމަށް ކަނޑައަޅައި ލިޔުން ދިނުމަށްފަހު، ނިމިދިޔަ ސަރުކާރުން ނުހައްގުން ފުލެޓް އަތުލި މީހުންނަށް ފުލެޓް ހޯދައިދިނުމަކީ ރައީސް ޑރ. މުޢިއްޒު ގެ ރިޔާސީ ވައުދުފުޅެކެވެ. 

އެގޮތުން މި ސަރުކާރުގެ ބޯހިޔާވަހިކަން އެންމެނަށް ސިޔާަތުގެ ދަށުން ދުކުރާ ފުލެޓަށް އެދޭއިރު އެފަރާތްތަކަށް ވަކިން ޚާއްސަ ކެޓަގަރީއެއްް ވަނީ ކަނޑައަޅާފައެެވެ.