ކުރިއަށްއޮތް ލޯކަލް ކައުންސިލް އަދި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިހާބުގައި ވާދަކުރާ ކެނޑިޑޭޓުންގެ މަންދޫބަކަށް ވުމުގެ ފުރުސަތު ހުޅުވާލައިފިއެވެ.
ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބުގެ ވޯޓުނެގުމާއި ވޯޓުގުނުމުގެ ކަންތައްތައް ހިނގާ ނުހިނގާގޮތް ބެލުމަށް، ވޯޓުނެގުމާއި، ވޯޓު ގުނުމުގެ ކަންތައްތައް ހިނގާ، އެ ކެންޑިޑޭޓެއްގެ މަސްލަހަތު ހިމެނޭ ކޮންމެ މަރުކަޒަކަށް މަންދޫބަކު އައްޔަނުކުރުމުގެ ފުރުސަތު އިންތިޚާބުތަކާބެހޭ އާންމު ގަވާއިދުގެ ދަށުން ވަނީ ލިބިދީފައެވެ.
އިލެކްންޝަނުން ބުނީ ކެންޑިޑޭޓުންގެ މަންދޫބުންގެ ގޮތުގައި ކުރިމަތިލުމަށް ޝައުޤުވެރިވާ ފަރާތްތަކަށް މިއަދުން ފެށިގެން، އަންނަ މާރިޗު 07 ވާ ހޮނިހިރު ދުވަހުގެ ނިޔަލަށް ފުރުސަތު ހުޅުވާލާފައިވާ ކަމަށެވެ. މިކަމާ ގުޅިގެން އިލެކްޝަނުން ގެޒެޓްގައި އާއްމުކުރި އިއުލާނުގައި ވަނީ މަންދޫބުންގެ ކިބާގައި ހުންނަންޖެހޭ ޝަރުތުތައްވެސް އާއްމުކޮށްފައެވެ.
ލޯކަލް ކައުންސިލް އަދި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިހާބު ބޭއްވުމަށް ތާވަލްކޮށްފައިވަނީ އަންނަ އޭޕްރިލްމަހުގެ 4 ވަނަ ދުވަހުއެވެ.
Advertisement
This content is created and paid for by advertisers and does not involve Voice Journalists
