އީރާނުން ވަރލްޑްކަޕް ކުޅެން ނަޔަސް ހެޔޮކަމަށް ވިދާޅުވެ، އެމެރިކާގެ ރައީސް ޑޮނާލްޑް ޓްރަމްޕް ފީފާގެ އިހްތިސާސްގެ ތެރެއަށް ވަދެވަޑައިގެންފިއެވެ.
ވަރލްޑްކަޕަށް ކޮލިފައިވެފައި އޮތް ޓީމެއް، ދެން ކުރިމަތިވާ މައްސަލައަކާހުރެ ގޮތް ނިންމުމުގެ އަދި އެކަމާ ގުޅޭގޮތުން ބަސްބުނުމުގެ ހައްޤު ލިބިގެންވަނީ ދުނިޔޭގެ ފުޓްބޯޅައާ ބެހޭ މައިޖަމިއްޔާ ފީފާއަށެވެ. އީރާނަށް މިހާރު ކުރިމަތިވެފައިވާ ހާލަތާ ގުޅިގެން އެޤައުމުން ވަރލްޑްކަޕްގައި ކުޅޭނެތޯ އެޤައުމުގެ ފުޓްބޯޅަ ފެޑަރޭޝަނުން ވަނީ ސުވާލު އުފައްދާފައެވެ.
އީރާނުން ވަރލްޑްކަޕް ބޮއިކޮށް ކުރާނޭކަމަށް ދެކެވެމުންދާ ވާހަކަތަކާ ގުޅިގެން "ޕޮލިޓިކޯ" ނޫހަށް ދެއްވި ބަސްދީގަތުމެއްގައި ޓްރަމްޕް ވިދާޅުވީ، އެޤައުމުން ވަރލްޑްކަޕް ގައި ބައިވެރިވުމާމެދު އެއްވެސް ފަރުވާލެއް ނެތްކަމަށެވެ. ވަރލްޑް ކަޕަށް އީރާން ކޮލިފައިވެފައިވާއިރު، ޓްރަމްޕް ވަނީ އީރާން ޓީމަށް ކުޑައިމީސްކޮށް އިހުތިރާމް ކުޑަވާފަދަ މޭރުމަކުން ވާހަކަދައްކަވާފައެވެ.
ޓްރަމްޕް ވިދާޅުވީ އީރާނަކީ މިހާރު ވަރަށްބޮޑަށް ބަލިކަށިވެފައިވާ ޤައުމެއް ކަމަށާއި، އެޤައުމުގެ އޮތް ބާރު ކެނޑިފައިވާކަމަށެވެ.
ޓްރަމްޕް އީރާނުގެ ޓީމާ ގުޅޭގޮތުން އިހާނެތި މޭރުމަކުން ވާހަކަދައްކަވާފައިވާއިރު، ޖޫނަމހު ފަށާ ވަރލްޑްކަޕް ބާއްވާ އެއްޤައުމުގެ ތެރޭގައި އެމެރިކާ ހިމެނެއެވެ.
Advertisement
This content is created and paid for by advertisers and does not involve Voice Journalists
