ހައިވޭގައި ރޭ ހިނގި ނުރައްކާތެރި އެކްސިޑެންޓާ ގުޅިގެން ދެ މީހަކަށް ހޮސްޕިޓަލުގައި ފަރުވާދެނީ
ސިނަމާލެ ބްރިޖްގައި ރޭ ހިނގި އެކްސިޑެންޓާ ގުޅިގެން ދެ މީހަކަށް ހޮސްޕިތަލުގައި ފަރުވާދެމުން ދާކަމަށް ފުލުހުން ބުނެފިއެވެ.
ސިނަމާލެ ބްރިޖް ހައިވޭގައި މި އެކްސިޑެންޓް ހިނގިކަމުގެ ރިޕޯޓް ފުލުހުންނަށް ލިބިފައިވަނީ، ރޭ 12:00 ހާއިރެވެ. ފުލުހުން ބުނީ، އެކްސިޑެންޓް ހިނގާފައިވަނީ ހުޅުމާލެއަށް ދަތުރުކުރާ ފަޅީގައި ދެ ކާރަކާއި ދެ ސައިކަލް ޖެހިގެން ކަމަށެވެ.
މި އެކްސިޑެންޓްގައި ދެ މީހަކަށް އަނިޔާވުމުގެ ސަބަބުން ފަރުވާދިނުމަށް ގެންގޮސްފައިވަނީ އައިޖީއެމްއެޗަށެވެ. އެކްސިޑެންޓް ވުމުގެ ސަބަބުން ދެ ސައިކަލަށް އެކިވަރުގެ ގެއްލުންތައް ލިބިފައިވާކަމަށް ދައުރުވަމުންދާ ވީޑިއޯތަކުން ފެނެއެވެ. އަދި އެކްސިޑެންޓްގައި ސައިކަލްގައި ތިބިކަމަށް މީހުންނަށް ވަރަށް ބޮޑަށް އަނިޔާވެފައިވާކަމަށް ވީޑިއޯތަކުން ދޭހަވެއެވެ.
އަދި އެކްސިޑެންޓް ވުމާއެކު އެ ސަރަހައްދުގެ ޓްރެފިކް ވަގުތުކޮޅަކަށް ބާރުބޮޑުވެގެން ދިޔަކަން ފާހަގަކޮށްލެވެއެވެ.
މި މައްސަލަ ފުލުހުން ބަލަމުންދާކަމަށް އެ އިދާރާއިން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
