ފުލުހުންގެ "ވޯކް އެންޑް ޓޯކް" ހަރަކާތް މުޅި ރާއްޖޭގައި ފަށައިފި
މުޅި ރާއްޖެއަށް އަމާޒުކޮށްގެން މޯލްޑިވްސް ޕޮލިސް ސާވިސް އިން ކުރިއަށް ގެންދަން ނިންމި "ވޯކް އެންޑް ޓޯކް" ހަރަކާތް މިއަދު ރަސްމީކޮށް ފަށައިފިއެވެ.
މި ހަރަކާތް މިއަދު ރާއްޖޭގެ ފުލުހުންގެ ޔުނިޓްތައް ހުންނަ ރަށްތަކުގައި ފަށާފައިވާއިރު، މިއީ ރައްޔިތުންނާ ގާތުން ރައްޔިތުންނާ ބައްދަލުކުރުމުގެ ގޮތުން ފެށި ހަރަކާތެކެވެ. މި ހަރަކާތް ރާއްޖޭގެ އެކި ކަންކޮޅުތަކުގައި ފަށާފައިވަނީ އެއްވަގުތެއްގައެވެ.
މި ހަރަކާތް ފެށުމުގެ ގޮތުން ދާހިލީ ވަޒީރު އަލީ އިހްސާން އަދި ފުލުހުންގެ ވެރިންނާއި ޔުނިޓްތަކުގެ ވެރިން ބައިވެރިވެ ވަޑައިގެންނެވިއެވެ.
ފުލުހުން މިއަދު ފެށި ހަރަކާތުގައި ދާހިލީ ވަޒީރު ބައިވެރިވެ ވަޑައިގަތުން.. ފޮޓޯ: ފުލުހުން
ފުލުހުންގެ އިދާރާއިން ބުނީ، މިއީ ފުލުހުންނާއި ރައްޔިތުން އެއް މާހައުލެއްގައި ބައްދަލުވެ، ދެފަރާތުގެ މެދުގައި އޮންނަ ގުޅުން އިތުރަށް ބަދަހިކުރުމުގެ ގޮތުން ފެށި ހަރަކާތެއްކަމަށެވެ.
ފުލުހުން މިއަދު ފެށި ވޯކް އެންޑް ޓޯކް ހަރަކާތުގެ ތެރެއިން.. ފޮޓޯ: ފުލުހުން
މި ހަރަކާތުގެ ތެރެއިން ފުލުހުން ވަނީ ރައްޔިތުންނާ ބައްދަލުކޮށް ރައްކާތެރިކަމުގެ ގޮތުން ކުރެވޭނެ ކަންކަމާއި، ތަފާތު އެކި ކަހަލަ ކުށްތަކުން ރައްކާތެރިވެތިބުމަށް މަސައްކަތް ކުރާނެގޮތުގެ މައުލޫމާތު ހިއްސާކޮށްފައެވެ.
ފުލުހުން މިއަދު ފެށި ވޯކް އެންޑް ޓޯކް ހަރަކާތުގެ ތެރެއިން.. ފޮޓޯ: ފުލުހުން
މިއީ ފުލުހުންނާއި ރައްޔިތުންގެ މެދުގައި އިތުބާރު އުފައްދައި، ދެފުށް ފެންނަ ގޮތެއްގައި ގުޅިގެން މަސައްކަތްކުރުމަށް ފުލުހުން ކުރަމުންދާ ސިލްސިލާ މަސައްކަތްތަކުގެ ތެރެއިން ކުރިއަށްދިޔަ ހަރަކާތެކެވެ. "ވޯކް އެންޑް ޓޯކް" މި ހަރަކާތް މިދިޔަ ފެބުރުއަރީމަހުވެސް ކުރިއަށްގެންގޮސްފައެވެ.
Advertisement
This content is created and paid for by advertisers and does not involve Voice Journalists
