‏އަނބިމީހާ/ފިރިމީހާގެ ބޯހިޔާވަހިކަމެއް އޮތް ނަމަވެސް ގޯއްޗަށް އެދި ހުށަހެޅޭ ގޮތަށް ހިންގާ "ގޯތިގެދޮރު" ޕްރޮގްރާމުގެ ދަށުން ގޯއްޗަށް އެދި ފޯމު ހުށަހެޅުމަށް ހުޅުވާލައިފިއެވެ.

ހައުސިން މިނިސްޓްރީން މިއަދު ކުރި އިއުލާނެއްގައި ބުނީ، "ގޯތިގެދޮރު" ޕުރޮގުރާމުގެ ދަށުން މާލޭގައި ދިރިއުޅޭ ރައްޔިތުންނަށް ދިރިއުޅުމަށް ބާންޑާރަ ގޯތި ދޫކުރުމުގެ އުސޫލުގެ ދަށުން އެޕްލިކޭޝަން ހުށަހެޅުމަށް މިއަދު ހެނދުނު 11:00އިން ފެށިގެން 30 އެޕްރީލުވާ ބުރާސްފަތި ދުވަހުގެ 23:59 ގެ ނިޔަލަށް ހުޅުވާލެވިފައިވާ ކަމަށެވެ.

މި އުސޫލުގެ ދަށުން ބޯހިޔާވަހިކަމަށް އެދި އެޕްލިކޭޝަން ހުށަހަޅަން ޖެހެނީ  https://boahiyaavahikan.housing.gov.mv ޕޯޓަލް މެދުވެރިކޮށެވެ.

މި އުސޫލުގެ ދަށުން ދޫކުރަން ހަމަޖެހިފައިވަނީ  ރަސްމާލެއިން، 1250 އަކަފޫޓުގެ ގޯއްޗެވެ. މި އުސޫލުގައި ހިމެނެނީ، ކެޓަގަރީ -1، (މާލޭ ރަށްވެހިން) އަދި ކެޓަގަރީ – 2، (މާލޭގައި ދިރިއުޅޭ އެހެން ރަށްރަށުގެ ރަށްވެހިން) އެވެ.

މި އުސޫލުގެ ދަށުން، ގޯއްޗަށް އެދޭ ފަރާތްތަކުން އެޕްލިކޭޝަން މަރުޙަލާގައި ހުށަހަޅަންޖެހޭ ލިޔެކިޔުންތައް އރ އިޢުލާނުގެ ވަނީ ހިމަނާފައެވެ. 

މި އިޢުލާނާ ގުޅޭ އިތުރު މަޢުލޫމާތު މިނިސްޓްރީގެ ހޮޓްލައިން ނަންބަރު 4004860, 4004861, 4004862, 4004863, 4004864 ނުވަތަ 4004865 ލިބޭނެ ކަމަށާ، އަދި މި މިނިސްޓްރީގެ އީމެއިލް:[email protected]  އަށް މަޢުލޫމާތު ސާފުކުރެވޭނެ ކަމަށް ބުނެފައިވެއެވެ.