އާންމު ތަނެއްގައި ތިބި ކުދިންތަކަކާ މެދު ފުލުހުން އަމަލުކުރި ގޮތާ ގުޅޭގޮތުް ސޯޝަލް މީޑިއާގައި ފެތުރެމުންދާ ކަންބޮޑުވުންތަކާ ގުޅިގެން، ދިވެހި ފުލުހުންގެ ހިދުމަތުން އެކަމުގެ ތަފްސީލް ހާމަކޮށްފިއެވެ.
ފުލުހުން ބުނީ، އާންމު ތަނެއްގައި ކުޑަކުދިންތަކެއް އުޅޭ ކަމުގެ މައުލޫމާތު ހޮނިހިރު ދުވަހުގެ ރޭ 21:15 ހާއިރު ލިބުމާ ގުޅިގެން އެ ސަރަަހައްދަށް ފުލުހުން ދިޔަ ކަމަށެވެ. އަދި އެކުދިންގެ ރައްކާތެރިކަން ކަށަވަރުކުރުމަށްޓަކައި ފެމެލީ އެންޑް ޗައިލްޑް ޕްރޮޓެކްޝަންއަށް އެ ކުދިން ގެންދެވުނު ކަމަށް ފުލުހުން މައުލޫމާތު ދެއެވެ.
މިއީ ކުދިންގެ ސަލާމަތައްޓަކައި އެޅި ފިޔަވަޅެއް ކަމަށާއި، އެރޭގެ ވަގުތެއްގައި އެ ކުދިން ބެލެނިވެރިންނާ ހަވާލުކުރެވިފައިވާ ކަމަށްވެސް ފުލުހުން ބުންޏެވެ.
ފުލުހުން އިތުރަށް ބުނެފައިވަނީ ކުޑަކުދިންގެ ރައްކާތެރިކަމާ ގުޅޭގޮތުން ހުށެހެޅޭ ކަންބޮޑުވުންތަކުގައި އެކެށީގެންވާ ހަރުދަނާ ފިޔަވަޅު އެޅުމަކީ އެ މުއައްސަސާއިން އަބަދުވެސް އެންމެ އިސްކަންދޭނެ ކަންތައް ކަމަށެވެ.
Advertisement
This content is created and paid for by advertisers and does not involve Voice Journalists
