އެމް.ޕީ.އެލްގެ ޓަގު ބޯޓަކާއި ލޯންޗެއް ޖެހި ނުރައްކާތެރި އެކްސިޑެންޓް ހިނގައިފިއެވެ.
”ވޮއިސް“ އަށް މައުލޫމާތު ދެމުން ފުލުހުން ބުނީ، މި އެކްސިޑެންޓްގެ ހިނގި ކަމުގެ މައުލޫމާތު، ލިބުނީ މިއަދު ހެނދުނު 10:39 އެހާއިރު ކަމަށެވެ.
އެކްސިޑެންޓްގައި ގެއްލުންވެފައިވަނީ ”މަހުމާ އެކްޕްރެސް“ ކިޔާ ލޯންޗަކަށެވެ. އެއީ ތ.އަތޮޅާ މާލެއާ ދެމެދު ދަތުރުކާ ދ. މީދޫ ލޯންޗެކެވެ.
ވޮއިސް އަށް މައުލޫމާތު ލިބޭ ގޮތުން، މި އެކްސިޑެންޓް ހިނގީ އެ ލޯންޗު ތ.އަތޮޅުން މާލެއައިސް މީހުން ހުސްކުރުމަށްފަހު ޕެޓްރޯލް އަޅަން ދަނިކޮށެވެ.
އެކްސިޑެންޓް ވި ލޯންޗު: ފޮޓޯ/ އިރުވަރު
އެކްސިޑެންޓް ހިނގި އިރު ލޯންޗްގައި ތިބީ ކެޕްޓަންގެ އިތުރުން 3 ފަޅުވެރިންނެވެ.
މި އެކްސިޑެންޓްގައި ލޯންޗުގެ ކެޕްޓަނަށް އަނިޔާވެގެން އައި.ޖީ.އެމް ހޮސްޕިޓަލަށް ގެންގޮސް މިހާރު ދަނީ ފަރުވާ ދެމުންނެވެ.
އެކްސިޑެންޓް ވި ލޯންޗު: ފޮޓޯ/ އިރުވަރު
ފުލުހުން ބުނީ ކެޕްޓަނަށް ލިބުނު އަނިޔާ ސީރިއަސް ނޫން ކަމަށް މިހާތަނަށް މައުލޫމާތު ލިބިފައިވާ ކަމަށެވެ.
މި އެކްސިޑެންޓްގެ ސަބަބުން ލޯންޗަށް ބޮޑެތި ގެއްލުންތަކެއް ވެފައިވެއެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
Advertisement
This content is created and paid for by advertisers and does not involve Voice Journalists
