މެދުއިރުމަތީގެ ހަނގުރާމައިގެ ހުޅުގަނޑު މަޑުޖެހެމުންދާ ކަމުގެ ނިޝާންތަކެއް ފެންނަމުންދާ ކަމަށާއި، މިއީ އެ ސަރަހައްދުގެ ޖިއޮޕޮލިޓިކްސްއަށް އަންނަ ބޮޑު ބަދަލެއްގެ ފެށުން ކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު އެކްސްގައި ކުރެއްވި ޕޯސްޓްއެއްގައި ވަނީ ބޭރުގެ ބާރުތަކަށް، ޚާއްޞަކޮށް އެމެރިކާއަށް އޮތް އިތުބާރު ކުޑަވަމުންދާކަން ފާހަގަކުރައްވާފައެވެ. އެމަނިކުފާނު ވިދާޅުވީ، ގަލްފުގެ ގައުމުތަކަށް ބޭނުންވާ ފުރިހަމަ ސަލާމަތާއި ރައްކާތެރިކަން ކަށަވަރުކޮށްދިނުމުގައި އެމެރިކާ ނުކުޅެދިފައިވާ ކަމަށެވެ. މީގެ ސަބަބުން އެ ގައުމުތަކުން މިހާރު އިސްކަންދެނީ އަމިއްލަ ސަރަހައްދީ އިސްތިގުލާލު ދެމެހެއްޓުމަށް ކަމަށް އެމަނިކުފާނު ސިފަކުރެއްވިއެވެ.
އެމެރިކާގެ ސެކިއުރިޓީ އަމްބްރެލާގެ ދަށުން ބޭރުގައި މި ގައުމުތަކުން މަސައްކަތް ކުރުމުގެ ވިސްނުމަކީ އައު ކަމެއް ނޫން
ރައީސް ނަޝީދު ވިދާޅުވިއެވެ.
މިއީ މީގެ ކުރިން ވެސް ތާރީޚީ ގޮތުން ފެނިފައިވާ ކަމެއް ކަމަށާއި، މިހާރުގެ ޙާލަތަށް ބަލާއިރު ބޭރުގެ ބާރުތަކަށް ބަރޯސާވުމުގެ ބަދަލުގައި ސަރަހައްދީ އެއްބައިވަންތަކަން އިސްކުރުން މުހިންމު ކަމަށް އެމަނިކުފާނު ބާރުއެޅުއްވިއެވެ.
މިއީ ސަރަހައްދީ މަސްރަޙަށް އަންނަ ބޮޑު ބަދަލަކަށް ވެދާނެ. އަދި މީގެ ސަބަބުން އީރާނާއި، ޖީ.ސީ.ސީ ގައުމުތަކާއި، ސައުދީ އަރަބިއްޔާގެ މެދުގައި ހުރި ޚިޔާލުތަފާތުވުންތައް ނައްތާލައި، ގުޅުން ބަދަހިކުރުމުގެ ފުރުސަތު އެބައޮތް.
ރައީސް ނަޝީދު ވިދާޅުވިއެވެ
ރައީސް ނަޝީދު ވަނީ މެދުއިރުމަތީގެ ހަނގުރާމައާއި ގުޅިގެން މިމަހު ކުރީކޮޅު އިންޑިއާގެ "ވިއޮން" މީޑިއާ އަށް ވެސް އެމަނިކުފާނު މި ހަނގުރާމައާއި މެދު ދެކޭގޮތް ހިއްސާކޮށް ސުލްހައަށް ގޮވާލައްވައިފައެވެ.
Advertisement
This content is created and paid for by advertisers and does not involve Voice Journalists
