އޭސީ ކުލާސްތަކުގައި ފިނިވާނަމަ ޖެކެޓް ލުމުގައި އަމަލު ކުރާނެ އުސޫލެއް ސަލާހުއްދީނުން ހަދައިފި
އޭސީ ކުލާސްތަކުގައި ފިނިވާނަމަ ޖެކެޓް ލުމުގައި އަމަލު ކުރާނެ އުސޫލެއް ސަލާހުއްދީން ސުކޫލުން ހަދައިފި އެވެ.
އެންމެ ގިނަ ދަރިވަރުން ކިޔަވާ ސަލާހުއްދީން ވަނީ އެ އުސޫލު ހަދާ ބެލެނިވެރިންނަށް ހިއްސާކޮަށްފަ އެވެ. އުސޫލުގައިވާ ގޮތުން ކުލާސްތަކުގައި ތިބޭއިރު ފިނިވާނަމަ ޖެކެޓް ލާން ބޭނުންވާ ދަރިވަރުން އެކަމަަށް އެދި ބެލެނިވެރީން ރަސްމީކޮށް ސުކޫލަށް ހުށައަޅަން ޖެހެ އެވެ. އަދި ޖެކެޓް ލެވޭނީ ދަރިވަރި ޖެކެޓް ލާން ޖެހޭ ހާލަތާއި ސަބަބު ބަޔާންކޮށް އެކަމަށް އެދޭ ފޯމް ސުކޫލަށް ހުށައަޅާ ހުއްދަ ހޯދުމަށް ފަހު އެވެ.
ސުކޫލުން ދަރިވަރަަށް ހުއްދަދިންކަން ގްރޭޑް ލީޑިން ޓީޗަރަށާއި އެ ގުރޭޑަށް ކިޔަވައިދޭ މުދައްރިސުންނާ ހިއްސާކުރާނެ އެވެ.
އަދި ޖެކެޓްވާން ޖެހޭނީ އެއް ކުލައަކުން އޮންނަ ތަފާތު ޑިޒައިނާއި ލޯގޯ ލިޔުން ނެތް އަދި ކުރެހުމެއް ވެސް ނެތް ޖެކެޓަކަށެވެ. ސުކޫލުން ބޮޑަށް ބާރު އަޅަނީ ކަޅު ނުވަތަ އަޅި ކުލައިގެ ޖެކެޓަށް ކަމަށް އުސޫލުގައިވެ އެވެ.
ޖެކެޓްގައި ހުޑު ނުވަތަ ބޮލުގައި އަަޅާބައި ހުރެގެން ނުވާނެ އެވެ.
Advertisement
This content is created and paid for by advertisers and does not involve Voice Journalists
