ކުރިއަށް އޮތް ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތް ކުރާ ކޮމެޓީތަކުގެ އިންތިހާބުގެ ކެމްޕެއިން ނިންމުމަށް ބޮޑު ހިނގާލުމެއް ބާއްވަން އިދިކޮޅު މައި ޕާޓީ އެމްޑީޕީން ނިންމައިފި އެވެ.
އިންތިހާބު އޮތީ މީގެ ހަތަރު ދުވަސް ފަހުން އޭޕްރީލް މަހުގެ ހަތަރުވަަނަ ދުވަހު އެވެ. އެމްޑީޕީން ބުނީ ކުރިއަށް އޮތް ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތް ކުރާ ކޮމެޓީތަކުގެ އިންތިހާބުގެ ކެމްޕެއިން ނިންމުމަށް އަންނަ ހުކުރު ދުވަހު ހާއްސަ ހިނގާލުމެއް އޮންނާނެ ކަމަށެވެ.
ހިނގާލުން އޮންނާނީ ހަވީރު 4:00 ގައި އާޓިފިޝަލް ބީޗުންނެވެ.
ހިނގާލުމާއި ގުޅިގެން އެމްޑީޕީގެ ކުރީގެ ރައީސް މުހައްމަދު ނަޝީދު ވަނީ ހާއްސަ މެސެޖެއް ދެއްވާފަ އެވެ. އެމަނިކުފާނު ވިދާޅުވީ އަންނަ ހުކުރު ދުވަހަކީ ވަރަށް މުހިންމު ދުވަހެއް ކަމަށެވެ. އެ ދުވަހުގެ ހިނގާލުމުގައި ވީހާވެސް ގިނަ ބަޔަކު ބައިވެރިވުމަށް އެމަނިކުފާނު އެދިވަޑަައިގަތެވެ. އަދި ތިލަފަތައް ވޯޓް ދިނުމަށް އިލްތިމާސް ކުރެއްވި އެވެ.
މިއީ ރައީސް ނަޝީދު އެމްޑީޕީން ވަކިވެވަޑައިގެންނެވުމަށް ފަހު އަލުން އެ ޕާޓީއާ ގުޅިވަޑައިގެންނެވި ފަހުން އެ ޕާޓީން ވާދަކުރާ ފުރަތަަމަ އިންތިހާބެވެ.
Advertisement
This content is created and paid for by advertisers and does not involve Voice Journalists
