އުސްފަސްގަނޑުގައި ތަރައްޤީކުރި ސްކޭޓްޕާކް ރައީސް ޑރ.މުއިއްޒު ހުޅުވައިދެއްވައިފި
އުސްފަސްގަނޑުގައި ތަރައްޤީކުރި ސްކޭޓް ޕާކް، ރައީސުލްޖުމްހޫރިއްޔާ ޑރ.މުހައްމަދު މުއިއްޒު ހުޅުވައިދެއްވައިފިއެވެ.
ސްކޭޓްޕާކް ރަސްމީކޮށް ހުޅުވާފައިވަނީ މިއަދު އެކަމަށްޓަކައި ބޭއްވި ރަސްމިއްޔާތުގައެވެ. ސަރުކާރުން ސްކޭޓްޕާކް ތަރައްޤީކުރުމުގެ މަސައްކަތް ފަށާފައިވަނީ މިދިޔަ އަހަރުގެ އޮކްޓޯބަރުމަހުގެ ތިންވަނަ ދުވަހުއެވެ. ސްކޭޓް ޕާކް ތަރައްޤީކުރުމުގެ މަސައްކަތް ކޮށްފައިވަނީ އާރުސީސީއާ ހަވާލުކޮށްގެންނެވެ. މި މަސައްކަތް އާރުސީސީން ކުރިއަށްގެންގޮސްފައިވަނީ، އެކުންފުނީގެ އިޖުތިމާއީ ޒިންމާގެ ދަށުން ކުރިއަށްގެންދިޔަ މަސައްކަތެއްގެ ގޮތުގައެވެ.
ސްކޭޓްޕާކް ހުޅުވުމުގެ ތެރެއިން.. ފޮޓޯ: ރައީސް އޮފީސް
ސްކޭޓްޕާކް ހުޅުވުމުގެ ރަސްމިއްޔާތުގައި ވާހަކަދައްކަވަމުން ކުޅިވަރާއި ހަށިހެޔޮކަމާއިބެހޭ ވަޒީރު އަބްދުﷲ ރާފިއު ވިދާޅުވީ، މިއަދަކީ ސްކޭޓް ކުޅިވަރުގައި ހަރަކާތްތެރިވާ އެތްލީޓުންނަށް އުފާވެރި ދުވަހެއް ކަމަށާއި، ސްކޭޓްޕާކާއެކު މި ކުޅިވަރު އިތުރަށް ތަރައްޤީކުރެވިގެންދާނޭކަމަށެވެ.
ސްކޭޓްޕާކް ހުޅުވުމުގެ ތެރެއިން.. ފޮޓޯ: ރައީސް އޮފީސް
ސްކޭޓްޕާޓް ވެގެންދާނީ ބައިނަލްއަޤްވާމީ ފެންވަރުގެ މުބާރާތްތައް ބޭއްވިގެންދާ އަދި އެތްލީޓުންނަށް ޕްރެކްޓިސް ކުރަން ލިބޭނޭ ތަނެއްގެ ގޮތުގައި
ކުޅިވަރާއި ހަށިހެޔޮކަމާއިބެހޭ ވަޒީރު އަބްދުﷲ ރާފިއު
މިއަދު ހުޅުވިގެންދިޔަ ސްކޭޓް ޕާކްގައި ރޯލާ ސްކޭޓްކުރުމަށް 100 މީޓަރުގެ އޭރިއާއެއް އަދި ފްރީސްޓައިލަށް ހައްސަ ތަނެއް ހިމެނެއެވެ. ސްކޭޓަކީ ރާއްޖޭގެ ޒުވާނުންގެ މެދުގައި ވަރަށް މަޤްބޫލު ކުޅިވަރެކެވެ. އަދި މި ކުޅިވަރަކީ ވަރަށްގިނަ ކުޑަކުދިން ޝައުގުވެރިވާ ކުޅިވަރެކެވެ.
Advertisement
This content is created and paid for by advertisers and does not involve Voice Journalists
