ހާބަރުގައި އޮތް ބޯޓެއްގައި ތިބި 5 މީހެއްގެ ހާލުދެރަވީ ބަންދުކޮށްފައިވާ ތަނެއްގައި ޖެނެރޭޓަރެއް ހިންގުމުން ބޭރުވި ކާބަން މޮނޮކްސައިޑް ދުމުގެ އަސަރު އެމީހުންނަށް ކުރުމުން ކަމަށް ފުލުހުން ބުނެފިއެވެ.
ފުލުހުން ބުނީ މި ހާދިސާގައި އަސަރުކުރި މީހުންނަށް ފަރުވާދިނުމަށްފަހު އެމީހުންގެ ހާލަތު މިހާރު އަންނަނީ ރަނގަޅުވަމުން ކަމަށެވެ.
ކާބަން މޮނޮކްސައިޑް އަކި ވަހެއް ނުވަތަ ކުލައެއް ނުހުންނަ އެއްޗަކަށް ވުމުން، ނިދާފައި ތިބޭ ވަގުތު މީހުންނަށް އޭގެ ނުރައްކާ އިހުސާސް ނުކުރެވުނީކަމަށް ފުލުހުން ބުނެއެވެ.
މިކަމާ ގުޅިގެން ފުލުހުންނާއި ކަމާބެހޭ އިދާރާތަކުން ވަނީ މިފަދަ ހާދިސާތަކުން ރައްކާތެރިކަމުގެ ފިޔަވަޅުތައް އެޅުމަށް އިލްތިމާސްކޮށްފައެވެ. ހާއްސަކޮށް އުޅަނދުފަހަރުގެ އެތެރޭގައި ނުވަތަ ވައި ދައުރުނުވާ ބަންދު ތަންތަނުގައި އިންޖީނުތައް ބޭނުންކުރުމަކީ ފުރާނައަށް ނުރައްކާވާނެ ކަމެއް ކަމަށް ވަނީ އިންޒާރު ދީފައެވެ.
މީގެ އިތުރުން، އުޅަނދުފަހަރުގެ ސަލާމަތީ ކަންކަން ހުރި ގޮތް ބަލައި، ވައި ދައުރުވާނެ ނިޒާމުތައް ހުރީ ރަނގަޅަށްތޯ ކަށަވަރުކުރުމަށް އުޅަނދުތަކުގެ ވެރިންނަށް ވަނީ އަންގާފައެވެ.
Advertisement
This content is created and paid for by advertisers and does not involve Voice Journalists
