ޑީސީޕީ ފަރުހާދަށް ރިޓަޔާކުރަން އަންގާފައިވާ ކަމަށް ބުނެ ފަތުރަނީ ދޮގެއް: ފުލުހުން
ޑެޕިއުޓީ ކޮމިޝަނާ އޮފް ޕޮލިސް ފަރުހާދު ފިކުރީ މަގާމުން ރިޓަޔާ ކުރެއްވުމަށް އަންގަވާފައިވާ ކަމަށް ބުނެ ފަތުރަމުންދާ މައުލޫމާތަކީ ސައްހަ މައުލޫމާތެއް ނޫން ކަމަށް ދިވެހި ފުލުހުންގެ ހިދުމަތުން ބުނެފި އެވެ.
ޑީސީޕީ ފަރުހާދަށް ރިޓަޔާކުރަން އަންގާފައިވާ ކަމަށް ބުނެ ދަނީ ވާހަކަތަކެއް ފަތުރަމުންނެވެ. ބައެއް ނޫސްތަކުގައި ވެސް އެ ވާހަކަތައް ވަނީ ލިޔެފަ އެވެ.
ނަމަވެސް ފުލުހުން ވަނީ އެކަން ދޮގުކޮށްފަ އެވެ. ފުލުހުން ބުނީ ޑެޕިއުޓީ ކޮމިޝަނާ އޮފް ޕޮލިސް ފަރުހާދު ފިކުރީ މަގާމުން ރިޓަޔާ ކުރެއްވުމަށް އަންގަވާފައިވާ ކަމަށް ބުނެ ފަތުރަމުންދާ މައުލޫމާތަކީ ސައްހަ މައުލޫމާތެއް ނޫން ކަމަށެވެ. އަދި ބުނީ ފަރުހާދު ފިކުރީ މިހާރު ވެސް ހުންނެވީ ޑެޕިއުޓީ ކޮމިޝަނާ އޮފް ޕޮލިސްގެ މަގާމުގައި، މުއައްސަސާގެ ހިދުމަތުގައި ކަމަށެވެ.
ކޮމިޝަނަރު އޮފް ޕޮލިސްގެ މަގާމު މި ފަހުން ހުސްކޮށް އޮތްއިރު ފުލުހުންގެ މުއައްސަސާ ވަގުތީ ގޮތުން ހިންގެވީ ފިކުރީ އެވެ. އަދި ކޮމިޝަނަރު އޮފް ޕޮލިސްގެ މަގާމަށް ހުޅުވާލުމުން އެ މަގާމަށްވެސް ކުރިމަތިލެއްވި އެވެ. ނަމަވެސް ކޮމިޝަނަރުގެ މަގާމަށް އައްޔަނު ކުރެއްވީ އަހްމަދު މުޙައްމަދު (ޓޫފޯ) އެވ ެ.
Advertisement
This content is created and paid for by advertisers and does not involve Voice Journalists
