ބ.އަތޮޅު ކެންދޫ ކައުންސިލްގެ ރައީސް އިބްރާހިމް އަބްދުއްރަހްމާންގެ ސައިކަލު ވަގަށް ނަގައި ކަނޑުފައްތާލައިފިއެވެ.
ވޮއިސްއަށް މައުލޫމާތު ހިއްސާކުރި ކެންދޫ މީހަކު ބުނީ މިކަމެއް ހިނގާފައިވަނީ މިދިޔަ ބުދަދުވަހުގެ ރޭގެ ވަގުތެއްގައި ކަމަށެވެ. ވަގަށް ނަގައިގެންގޮސް ސައިކަލް ފައްތާފައި ހުރީ އުރަފަށުން ބޭރަށެވެ. އެމީހާ ބުނީ، ސައިކަލް ކަނޑުފައްތާފައިހުރިކަން ފެނުނީ ރަށުތެރެއިން ސައިކަލް ހޯދަން ކުރި މަސައްކަތްތަކުން ނުފެނިގެންކަމަށެވެ.
މިކަމާ ގުޅޭގޮތުން ބައެއް މީޑިއާތަކަށް މައުލޫމާތު ހިއްސާކުރަމުން ކައުންސިލްގެ ރައީސް އިބްރާހިމް އަބްދުއްރަހްމާން ވިދާޅުވެފައިވަނީ، މިއީ ސިޔާސީ ކަމެއްގެ ތެރެއިން ކުރިމަތިވި ކަމެއްކަމަށް ޤަބޫލުކުރެވޭކަމަށެވެ. އެގޮތުން މިކަމެއް ފެށުނީ ނިމިގެންދިޔަ އިންތިހާބުގެ ތެރެއިންކަމަށްވެސް އޭނާ ވަނީ ފާހަގަކޮށްފައެވެ. މިކަމާ ގުޅުންހުރިކަމަށް ތުހުމަތު ކުރެވޭ މީހުންގެ ވަނަވަރު ފުލުހުންނާ ހިއްސާކޮށްފައިވާކަމަށް އޭނާ ވަނީ ވިދާޅުވެފައެވެ.
މި މައްސަލަ ފުލުހުން ތަހްގީގްކުރަމުންދާއިރު، މިދިޔަ ބްރާސްފަތިދުވަހު ސައިކަލް ނަގާފައިވާއިވާކަމަށް މައުލޫމާތު ލިބެއެވެ. މާލޭގެ އިތުރުން އާބާދީ މަދު ރަށްތަކުގައިވެސް ސިޔާސީގޮތުން ހަލަބޮލިވެ، މީހުްނގެ ހަރު މުދަލަށް ގެއްލުންދިނުމަކީ ދޭތެރެއަކުން ހިނގާ ކަމެކެވެ.
Advertisement
This content is created and paid for by advertisers and does not involve Voice Journalists
