ރައީސުލްޖުމްހޫރިއްޔާ އޮފީހުގެ 2024 ވަނަ އަހަރުގެ ހަރަދުތައް ކުރީ މާލިއްޔަތު ޤަވާއިދުގެ ތެރެއިން ރަނގަޅަށްކަމަށް އޮޑިޓް ރިޕޯޓުގައި ބުނެފިއެވެ.
އޮޑިޓަރ ޖެނެރަލް ނެރުއްވާފައިވާ ރައީސުލްޖުމްހޫރިއްޔާ އޮފީހުގެ 2024 ވަނަ އަހަރުގެ ކޮމްޕްލަޔަންސް އޮޑިޓްގައި ބުނެފައިވަނީ، އެ އޮފީހުގެ 31 ޑިސެމްބަރު 2024 ގައި ނިމުނު މާލީ އަހަރުގެ ފާސްކުރެވުނު ބަޖެޓާއި އެ ބަޖެޓުން ހޭދަކުރެވުނު ބަޔާނުގައިވާ ލިބުނު ފައިސާ އާއި ހަރަދުތަކަކީ މައިގަނޑު ގޮތެއްގައި ދައުލަތުގެ ޕަބްލިކް އެކައުންޓިންގ ސިސްޓަމްގައި ހުރި ރެކޯޑްތަކުން ދައްކާ އަދަދުތައް ކަމަށެވެ.
އެގޮތުން މައިގަނޑު ގޮތެއްގައި ރައީސް އޮފީހުގެ އެ އަހަރުގެ ހަރަދުތައް ކޮށްފައިވަނީ، ފާސްކުރި ބަޖެޓްގައި ކަނޑައަޅާފައިވާ ކަންތައްތަކަށް، ބަޖެޓްގައި ކަނޑައަޅާފައިވާ މިންވަރަށް ދައުލަތުގެ މާލިއްޔަތު ޤާނޫނާއި ޤަވައިދުތަކާ އެއްގޮތަށްކަމަށް އޮޑިޓް ރިޕޯޓްގައި ވަނީ ފާހަގަކޮށްފައެވެ.
ރައީސުލްޖުމްހޫޜިއްޔާގެ އޮފީހުގެ 2024 ވަނަ އަހަރުގެ ފައިނަލް ބަޖެޓަކީ، 241.2 މިލިއަން ރުފިޔާއެވެ. އޭގެ ތެރެއިން ހަރަދުތަކުގެ ގޮތުގައި ހިނގާފައިވަނީ، 240.1 މިލިއަން ރުފިޔާއެވެ. ހަރަދުތައް ކުރުމަށްފަހު އެ އަހަރު 1.2 މިލިއަން ރުފިޔާ ބާކީވެފައިވާކަމަށް ހިސާބުތަކުން ދައްކައެވެ.
Advertisement
This content is created and paid for by advertisers and does not involve Voice Journalists
