ރ. މީދޫގައި މިހާރު ކުރިއަށްދާ އެމްޖޭއެސް ރާބަދި ޗެލެންޖުގެ ސެމީފައިނަލުގެ ފަހު ޖާގަތައް ޖޯލި މޯލްޑިވްސް އަދި ކޯރާ ކޯރާ އިން ހޯދައިފިއެވެ.

މުބާރާތުގެ ފައިނަލުގެ ޖާގަ ޖޯލި މޯލްޑިވްސް ހޯދާފައިވަނީ ކުއާޓާ ފައިނަލުގައި ޖޯލި ބީންސް އާ ބައްދަލުކުރިމެޗް، 0-1 ގެ ނަތީޖާއިން މެޗް ކާމިޔާބުކޮށްގެންނެވެ. ޖޯލި މޯލްޑިވްސްއިން މޮޅަށް ކުޅުނު މިމެޗްގައި އިދިކޮޅު ޓީމުންވެސް ވަނީ މޮޅު ކުޅުމެއް ދައްކައި ގިނަ ހަމަލާތަކެއް ފޮނުވާލާފައެވެ.

މެޗްގައި ފެނިގެންދިޔަ ހަމައެކަނި ލަނޑު ޖޯލި މޯލްޑިވްސްއަށް ކާމިޔާބުކޮށްދިނީ، 10 ވަނަ މިނެޓް ތެރޭގައި މޫސާ ލަތީފެވެ. މެޗްގެ މޮޅު ކުޅުންތެރިޔާގެ މަގާމުވެސް ހޯދީ އޭނާއެވެ.

މުބާރާތުގެ ސެމީފައިނަލުގެ ޖާގައެއް ކޯރާ ކޯރާއިން ހޯދާފައިވަނީ، ކުއާޓާ ފައިނަލުގައި އެމަރަލްޑް ފާރުފުއްޓާ ދެކޮޅަށް ކުޅުނުމެޗް 6-1 ގެ ތަފާތުބބޮޑު ނަތީޖާއަކުން މެޗް ކާމިޔާބުކޮށްގެންނެވެ. މެޗްގައި ކޯރާ ކޯރާ ފެނިގެންގޮސްފައިވަނީ ވަރަށް ވަރުގަދަކޮޅެވެ. އެގޮތުން އެޓީމް ވަނީ އިދިކޮޅު ގޯލަށް ނުރައްކާތެރި ގިނަ ހަމަލާތަކެއް ފޮނުވާލާފައެވެ. 

އާދަމް ތައުފީޤް ކޯރާ ކޯރާއަށް ފުރަތަމަ ލަނޑު ޖަހައިދިން އިރު ދެން އެޓީމަށް ލަނޑުތައް ކާމިޔާބުކޮށްދިނީ، ރައުލް ނިޔާޒް، މުހައްމަދު އިސާމް، އަދި އިބްރާހިމް އަނާނެވެ. މެޗްގައި ރައުލް އަދި އިސާމް މިއިން ކޮންމެ ކުޅުންތެރިއަކު ވަނީ ދެ ލަނޑު ކާމިޔާބުކޮށްފައެވެ. މެޗްގެ މޮޅު ކުޅުންތެރިޔާގެ މަގާމް ހޯދީ އިސާމެވެ.

ރާބަދި ޗެލެންޖުގެ ސެމީފައިނަލް މެޗްތައް ކުޅުމަށް ތާވަލްކޮށްފައިވަނީ މާދަމާ އެވެެ. ފުރަތަމަ މެޗްގައި ބައްދަލުކުރާނީ، ކޯރާ ކޯރާ އާއި ޖޯލި މޯލްޑިވްސް އެވެ. ދެވަނަ މެޗްގައި ބައްދަލުކުރާނީ ކުޑަފުއްޓާއި ކޮތައިފަރެވެ.