ރާއްޖޭގައި ބާއްވާ އެންމެ ބޮޑު އިންޓަރ ކޮލެޖް ޔުނިވަރސިޓީ ފުޓްސަލް މުބާރާތް، އެމްއެންޔޫއެސްޔޫ ފުޓްސަލް ފިއެސްޓާ 2026 ގެ މީޑިއާ ޕާޓްނަރަކަށް ވޮއިސް ހަމަޖައްސައިފިއެވެެ.
މިކަމަށްޓަކައި މިއަދު ވަނީ ވޮއިސް އާއި އެމްއެންޔޫ ސްޓޫޑެންޓްސް އެސޯސިއޭޝަނާ ދެެމެދު އެއްބަސްވުން ގާއިމްކޮށްފައެވެ.
އެމްއެންޔޫއެސްޔޫ ފުޓްސަލް ފިއެސްޓާއަކީ މަތީ ތައުލީމްދޭ ތަންތަނަށް އަމާޒުކޮށް ހުޅުވާލައިގެން ބާއްވާ އެންމެ ފޯރިގަދަ މުބާރާތެވެ. މި މި މުބާރާތް އިންތިޒާމްކުރުމުގެ މައިގަނޑު މަޣްސަދަކީ، ދިވެހިރާއްޖޭގައި މަތީ ތައުލީމު ހާސިލްކުރަމުންދާ ދަރިވަރުންގެ މެދުގައި އެކުވެރިކަމާއި އެއްބައިވަންތަކަން އާލާކުރުމުގެ އިތުރުން، ހުނަރުވެރި ފުޓްސަލް ކުޅުންތެރިންތަކެއް ބިނާކުރުމެވެ.
މި މުބާރާތަކީ ގައުމީ ޔުނިވާސިޓީގެ ދަރިވަރުންގެ ޔޫނިއަންގެ ފަރާތުން އިންތިޒާމުކޮށް 2013 ވަނަ އަހަރުން ފެށިގެން ކޮންމެ އަހަރަކު ވެސް ބާއްވަމުން އަންނަ މުބާރާތެކެވެ.
މިދިޔަ ފަހަރު ބޭއްވި ފުޓްސަލް ފިއެސްޓާގައި 27 ޓީމަކުން ވާދަކުރިއިރު، މިފަހަރުގެ މުބާރާތުގައި 31 ޓީމް ވާދަކުރާނެއެވެެ. އޭގެ ތެރޭގައި ހިމެނެނީ، ފިރިހެނުންގެ 20 ޓީމާއި އަންހެނުންގެ 11 ޓީމެވެ. މިފަހަރުގެ މުބާރާތް ފެށުމަށް ހަމަޖެހިފައިވަނީ އަންނަ މެއިމަހުގެ އެއްވަނަ ދުވަހުއެވެ. މުބާރާތުގެ މެޗްތައް ކުރިއަށްދާނީ ހުޅުމާލޭ ރެހެނދި ފުޓްސަލް ދަނޑުގައެވެ.
Advertisement
This content is created and paid for by advertisers and does not involve Voice Journalists
