މިހާރު ކުރިއަށްދާ އެމްޖޭއެސް ރާބަދި ޗެލެންޖުގެ ފައިނަލުގެ ފުރަތަމަ ޖާގަ އަލިއާ ކޮތައިފަރު ހޯދައިފިއެވެ.

މުބާރާތުގެ ޖާގަ އަލިއާ ކޮތައިފަރު ހޯދާފައިވަނީ ސެމީފައިނަލުގެ ފުރަތަމަ މެޗްގައި، ކުޑަފުއްޓާ ދެކޮޅަށް ކުޅުނުމެޗް ކާމިޔާބުކޮށްގެންނެވެ. މެޗުން ކޮތައިފަރު މޮޅުވީ، 1-5 ގެ ނަތީޖާއަކުންނެވެ.'

ފޯރިގަދަ ކުޅުމެއް ފެނިގެންދިޔަ މިމެޗްގައި އެންމެ ފުރަތަމަ ލަނޑެއް ޖަހައި ކުރި ހޯދީ، 16 ވަނަ މިނެޓް ތެރޭގައި ކޮތައިފަރުގެ އަހުމަދު ނާހީއެވެ. ނާހީ ލަނޑެއް ޖެހިތާ ދެ މިނެޓް ނުވެ އޭނާ ވަނީ އިތުރު ލަނޑެއް ޖަހައި މެޗްގެ ނަތީޖާ 2-0 ކަށް ބަދަލުކޮށްފައެވެ. އޭގެ މިނެޓެއްފަހުން ކުޑަފުށީގެ ލޫތު އަހުމަދު ވަނީ ލަނޑެއް ޖަހާފައެވެ. 

މެޗްގައި ދެން ފެނިގެންދިޔަ 3 ލަނޑުވެސް ޖެހީ ފަހު ހާފްގައެވެ. އެއީ ފުރަތަމަ ދެ ލަނޑު ޖަހައިދިން ނާހީ އާއި އަހުމަދު މަހަސިންނެވެ. މެޗްގައި ކޮތައިފަރުގެ ފަހުލަނޑުވެސް ކާމިޔާބުކޮށްދިނީ، ނާހީ އެވެ.

މެޗްގައި ކުޑަފުށީގެ މުހައްމަދު ޝާޒީންއަށް ވަނީ ތަކުރާރުކޮށް ފައުލްކުރުމާ ގުޅިގެން ރަތްކާޑު ދައްކައި ދަނޑުން ފޮނުވާލާފައެވެ. މި މެޗްގެ މޮޅުކުޅުންތެރިޔާގެ މަގާމް ހޯދީ ހަތަރު ލަނދު ޖެހި އަހުމަދު ނާހީއެވެ.