ފ. ފީއަލީގައި ދެބެއިން ކަރަންޓްގައި ޖެހި އަނިޔާވެއްޖެ އެވެ.

ހިތާމަވެރި މި ހާދިސާ ހިނގީ މިއަދު އެ ދެބެއިން އެ މީހުން ދިރިއުޅޭ ވެލްކަމްގޭގެ ފުރާޅުމަތީން ފައިބަނިކޮށެވެ. އެ ރަށުން މައުލޫމާތު ދިން މީހަކު ބުނީ ކަރަންޓްގައި ޖެހުނީ ފުރާޅުމަތީން ފައިބާން ވެގެން ހޮޅި ދަނޑިއެއްގައި އަތްލުމުން ކަމަށެވެ. ކަރަންޓްގައި ޖެހި އެކަކު ވެއްޓި ވަރަށް އަނިޔާވި އެވެ.

ބައެއް މަސްދަރުތަކުން ޔަގީން ކުރެވުނު ގޮތުގައި އެކެއްގެ ކަދުރާ ވަނީ ބިނދިފަ އެވެ. ބޯވެސް ފަޅައިގެންދިޔަ އެވެ. އެ ދެ މީހުން އިތުރު ފަރުވާއަށް މިހާރު ވަނީ ފ. ނިލަންދޫއަށް ގެންގޮސްފަ އެވެ.

މިއަދަކީ ފީއަލީއަށް ވަރަށް ވިއްސާރަ ދުވަހެކެވެ.