ސްރީލަންކާގައި ބެންކު އޮފް މޯލްޑިވްސްގެ ބްރާންޗެއް ހުޅުވުމުގެ މަސައްކަތް ކުރަމުންދާ ކަމުގައި ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވިދާޅުވެއްޖެ އެވެ.
ދިވެހީންގެ ބޮޑު އާބާދީއެއް އޮތް ލަންކާއަށް ކުރައްވާ ފުރަމާނަ ދަތުރުފުޅުގެ ތެރެއިން ރައީސް މިއަދު ވަނީ ލަންކާގެ ކޮލަންބޯގައި ދިރިއުޅޭ ދިވެހީންނާއި ބައްދަލު ކުރައްވާފަ އެވެ. ވަރަށް ގިނަ އަދަދެއްގެ ދިވެހީން ބައިވެރިވި މި ބައްދަލްވުމުގައި ވާހަކަފުޅު ދައްކަވަމުން ރައީސް ވަނީ އެ ގައުމުގައި ބީއެމްއްލްގެ ބްރާންޗެއް ނުވަތަ ގޮތްޕެއް ހުޅުވުމުގެ މަަސައްކަތް ކުރަމުންދާ ކަމުގައި ވިދާޅުވި އެވެ.
ރައީސް ވިދާޅުވީ އެ މަސައްކަތަށް ވަރަށް ބޮޑު އުންމީދީ ފަހިކަމެއް ލިބިފައިވާ ކަމަށެވެ. އަދި މި ދަތުރުފުޅުގެ ތެރެއިން ކުރެވުނު މަޝްވަރާތަކުގެ ނަތީޖާއެއްގެ ގޮތުން އެކަމުގެ މަސައްކަތް ކުރެވޭނެ ގޮތް ވަަރަށް އަވަހަށް ހަމަޖެހިގެންދާނެ ކަމަށެވެ.
އެމަނިކުފާނު ވިދާޅުވީ ދިވެހި ގައުމީ ބެންކުގެ ގޮތްޕެއް ލައްކާގައި ހުޅުވުމުން ދެ ގައުމުގެ ރަައްޔިތުންނާއި ވިޔަފާރިތަކަށް ފަސޭހަތަކެއް ލިބިގެންދާނެ ކަމަށެވެ.
"ވަރަށް ބޮޑު އުންމީދެއް ލިބިގެން ގޮސްފައި މިވަނީ ރާއްޖޭގެ ބެންކު، ބެންކު އޮފް މޯލްޑިވްސްގެ ބްރާންޗެއް މިތާންގައި [ލަންކާގައި] ހުޅުވުމަށް. މި ކުރާ މަސައްކަތަށް އުންމީދީ އަލި މަގެއް ވަނީ ފެނިގެން ގޮސްފައި،" ރައީސް ވިދާޅުވި އެވެ.
Advertisement
This content is created and paid for by advertisers and does not involve Voice Journalists
