ގައުމީ ބެންކުން, ރައްޔިތުންނަށް ކުރީން ދެމުން އައި ބައެއް ހިދުމަތްތަކަށް ބަދަލު އައިސް ދަތި ދިމާވީ ރައްޔިތުންގެ ފައިސާކޮޅު ސަރުކާރަށް ދިނުމުން ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
އެމަނިކުފާނު މިހެން ވިދާޅުވީ އެމްޑީޕީ ޗެއާޕާސަން އިންތިހާބުގެ ކެމްޕެއިން ޖަލްސާއެއްގައި ރޭ ވާހަކަ ދައްކަވަމުންނެވެ. ނަޝީދު ވިދާޅުވީ ބީއެމްއެލުން ރައްޔިތުންނަށް ކުރީން ދެމުން އައި ބައެއް ހިދުމަތްތަކަށް ބަދަލު ސަބަބެއް އޮތުމުން ކަމަށެވެ.
"މިވީގޮތަކީ ދައުލަތުގެ ދަރަނި ދައްކާން ވެގެން ބޭންކުގައި ހުރި ރައްޔިތުންގެ ފައިސާ، ޑޮލަރު ސަރުކާރަށް ދިނީ. ދިނީމާ މިހާރު އަޅުގަނޑުމެންގެ ކާޑަކުން ނުކެނޑޭ ޑޮލަރެއް," ނަޝީދު ވިދާޅުވި އެވެ.
ނަޝީދު ވިދާޅުވީ ބެންކަށް ވަރަށް ދަތިތަކެއް ކުރިމަތިވަމުންދާކަން އެނގިވަޑައިގަންނަވާ ކަމަށެވެ. އަދި ވިދާޅުވީ ބެންކުން މިހާރު ލޯނެއް ހޯދުމަށް މަސައްކަތް ކުރަމުންދަނީ ބެންކުގައި ހުރި ރައްޔިތުންގެ ފައިސާކޮޅު ސަރުކާރަށް ދިނުމަށް ފަހު ކަމަށެވެ.
ބެންކުން ދަނީ 300 މިިލިއަން ޑޮލަރުގެ ލޯނެއް ހޯދުމަށް މަސައްކަތް ކުރަމުންނެވެ.
Advertisement
This content is created and paid for by advertisers and does not involve Voice Journalists
