މިނިވަން މާހައުލެއްގައި ޕްރައިވެޓް ސިނަމާއެއް ރާއްޖޭގައި ހުޅުވިގެންދާނީ ކޮންއިރަކުންތޯ މިއީ އަބަދުވެސް ގިނަ ބަޔަކު އެދިއެދި ތިބި ކަމެކެވެ. އާއިލާއާ އެއްކޮށް ހިތްގައިމު މާހައުލެއްގައި ފިލްމެއް ބަލާލަން ދިއުމަކީ ވަރަށް ގިނަ އާއިލާތަކުން ކުރަމުން އައި އުއްމީދެކެވެ. މިފަހަރު މިއޮތީ ތި އުއްމީދުކުރި ދުވަސްވެސް ދައްކަވާފައެވެ.

ހުޅުމާލޭގައި ހުންނަ ސިނެލައުންޖަކީ، މިހާތަނަށް ރާއްޖޭގައި ހުޅުވުނު އެންމެ ފެންވަރު ރަނގަޅު ސިނަމާއެވެ. މިތަނުން ފިލްމު ބަލާލުމަށް އައިސް ކުރެވޭ ތަޖުރިބާ ތަފާތުވެގެންދާއިރު، މިއީ ތިޔަ ހީކުރާވަރުގެ އާދައިގެ ސިނަމާއެއް ނޫނެވެ. މިއީ މިނިވަންކަމާއެކު ޕްރައިވެޓް ސިނަމާއެއް ތަޖުރިބާކުރަން ބޭނުންވާ ފަރާތްތަކަށް ހާއްސަ ސިނަމާއެކެވެ. މިއީ ރާއްޖޭގައި މިހާތަނަށް ހުޅުވިގެންދިޔަ ފުރަތަމަ ޕްރީމިއަމް ލަގްޒަރީ ތިއޭޓަރެވެ.

މި ސިނަމާ ތަރައްޤީކޮށްފައިވަނީ އެންމެ ޒަމާނީ ވަސީލަތްތައް ހިމަނައިގެންނެވެ.އެގޮތުން ޒަމާނީ ޓެކްނޮލޮޖީގެ އެހީގައި، "ޑޯލްބީ އެޓްމޯސް" ސައުންޑް ސިސްޓަމާއި "ޑޯލްބީ ސިނަމާ" ގެ ފުރިހަމަ މަންޒަރުތަކާއެކު، ފިލްމުގެ ކޮންމެ މަންޒަރެއް ހަގީގަތާ އެއްގޮތަށް ތަޖުރިބާކުރެވިގެން ދިއުމަކީ މި ސިނަމާގެ އެންމެ ހާއްސަ ސިފައެވެ. މީގެ އިތުރުން ދެން އެންމެ ހާއްސަ ކަމެއްގެ ގޮތުގައި ފާހަގަކޮށްލެވެނީ، ސިނެލައުންޖްގެ ފިލްމު ބަލާލުމަށް އިށީނދެ ތިބުމަށް ހާއްސަކޮށްފައިވާ ގޮނޑިތަކެވެ.

ސިނެލައުންޖު ސިނަމާގެ ގޮނޑިތައް...

މިއީ ދިވެހި ސިނަމާއަކުން މިހާތަނަށް ތަޖުރިބާކުރެވޭނޭ އެންމެ ހިތްފަސޭހަ އަރާމް ޝީޓްތަކެވެ.މި ސިނަމާގައި ލަގްޒަރީ 20 ރެކްލައިނާ ސީޓާއެކު، ހިތްހަމަޖެހިގެން އާއިލާ ނުވަތަ ރަހުމަތްތެރިންނާއެކު މަޑުމައިތިރި މާހައުލެއްގައި ފިލްމު ބަލާލެވޭނެއެވެ. މި ޝީޓްތަކުގެ އެންމެ ހާއްސަ އެއް ސިފައަކީ ގޮނޑިތައް ބޭނުން ގޮތަކަށް ދަމާލައިގެން އޮށޯވެލައިގެން އޮވެ، އަރާމުގައި ފިލްމު ބަލާލުމުގެ ފުރުސަތު ލިބިގެންދާކަމެވެ.

އާއިލީ ވަގުތުތަކަށާއި، ލޯބިވެރިންގެ ބައްދަލުވުންތަކަށް ނުވަތަ އޮފީސް ރަހުމަތްތެރިންނާއެކު ބާއްވާ ހާއްސަ ހަރަކާތްތަކަށް ވެސް ސިނެލައުންޖްކީ އެންމެ އެކަށީގެންވާ، ހިތްގައިމު މާހައުލެކެވެ.

ސިނެލައުންޖުގެ އެންމެ ފާހަގަކޮށްކޮށްލެވޭ އެއްކަމަކީ ދިވެހި، ހިންދީ އަދި އިނގިރޭސި އެންމެ ފަހުގެ މަގްބޫލް ފިލްމުތައް އެތަނުން ބަލާލެވޭތީއެވެ. އެގޮތުން ސިނެލައުންޖުން މިހާރުވެސް ދަނީ ދިވެހިންގެ އެންމެ މަގްބޫލް އެއް ޕްރޮޑަކްޝަން ހައުސް ކަމަށްވާ ޑާކްރެއިން އެންޓަރޓައިންމަންޓްގެ މިފަހުން ދެއްކި އެންމެ ހިޓް ފިލްމުތައް އަޅުވަމުންނެވެ. މީގެ ތެރޭގައި "އަލްވަދާއު" އަދި "އަލިފާން" ހިމެނެއެވެ. މި ފިލްމުތަކަކީ އެންމެފަހުގެ ޓެކްނޮލޮޖީގެ ވަސީލަތްތައް ހިމަނައިގެން އުފެއްދި ފިލްމުތަކަށް ވާއިރު، ސިނަލައުންޖު ސިނަމާއަކީ، މި ފިލްމްތައް ބަލާލުމަށް އެންމެ އެކަށީގެންވާ ސިނަމާއެވެ.

ބިޒީ ލައިފެއްގައި އުޅެމުންދާއިރު، އާއިލާއާއެކު އުފާވެރިވަގުތުކޮޅެއް ހޭދަކޮށްލުމަށް ބޭނުންވާ ހަމަ ކޮންމެ އާއިލާއަކަށްވެސް ސިނަލައުންޖު ސިނަމާއިން އުފަލާއެކު މަރުހަބާ ކިޔަމެވެ.

ސިނަލައުންޖު އިންޓަގްރާމް ޕޭޖް: https://www.instagram.com/cinelounge.mv