ކ އަތޮޅުން އައްޑޫސިޓީ އަށް ހުދު ސަމާލު ނެރެފި އެވެ.

ރާއްޖޭގެ މޫސުން ގޯސް މި ދުވަސްވަރު މެޓް އޮފީހުން ދަނީ މޫސުން ގޯސްވާނެ ކަމަށް ލަފާކޮށް މޫސުމީ އިންޒާރުތައް ނެރެމުންނެވެ. އެ އިދާރާއިން މިއަދު ބުނީ ކ އަތޮޅުން އައްޑޫސިޓީ ހިމެނޭ ސަރަހައްދަށް މޫސުން ގޯސްވާނެ ކަމަށެވެ. އަދި މިރޭ 10:30 އާ ހަމައަށް އެ އަތޮޅުތަކަށް ވަނީ ހުދު ސަމާލު ނެެރެފަ އެވެ.

މެޓް އޮފީހުން ބުނީ މި ވަގުތުތަކުގައި ގަޑިއަކު 19 މޭލާއި 24 މޭލަށް ދެމެދުގެ ބާރުމިނުގައި ވައި ޖެހޭނެ ކަމަށް ލަފާކުރެވޭ ކަމަށެވެ. އަދި ވިލާގަނޑުގައި ގަޑިއަކު 40 މޭލަށް ވައި ގަދަވެ ކަނޑުތައް ގަދަވާނެ ކަމަށް ވެސް ވަނީ ލަފާކޮށްފަ އެވެ.