ގަވާއިދާ ޚިލާފަށް ބިދޭސީން ރާއްޖޭގައި ވިޔަފާރިކުރުން ހުއްޓުވުމަށް، އެމީހުންގެ އެކައުންޓްގައި ފައިސާ ދައުރުކުރާގޮތް ބެލުމުގެ މަސައްކަތް ކުރައްވަމުންދާ ކަމަށް އިކޮނަމިކް މިނިސްޓަރު މުޙައްމަދު ސަޢީދު ވިދާޅުވެއްޖެއެވެ.

މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ވަޒީރު ސަޢީދު ވިދާޅުވީ، ރާއްޖޭގައި ބިދޭސީން ވިޔަފާރި ކުރޭތޯ ބެލުމަށް ޚާއްސަ ޓާސްކް ފޯހެއް އެކުލަވާލެވިފައި އޮންނަ ކަމަށެވެ.

އެ ފޯހުން، މިދިޔަ އަހަރުގެ ނޮވެމްބަރު 29 ގައި ފެށި މަސައްކަތުގެ ތެރެއިން 409 ޝަކުވާއެެއް ލިބިފައިވާ ކަމަށާަ، އޭގެ ތެރެއިން 242 ތަނެއް ބަލައި ފާސްކުރެވުނު ކަމަށް ސަޢީދު ވިދާޅުވުއެވެ. އެތަނުން 102 ތަނެއް ބަންދުކުރެވުނުއިރު، ބަންދު ކުރެވުނު ތަންތަނުގެ ތެރޭގައި ހިމެނޭ ގަވާއިދާ ޚިލާފް 57 ތަނެއް އެއްކޮށް ބަންދު ކުރެވިފައިވާކަމަށާ 47 ސެލޭން އެންޑް ސްޕާ ބަންދުކުރެވުނު ކަމަށް ސަޢީދު ފާހަގަކުރެއްވިއެވެ. 

މީގެ އިތުރުން ބަންދުކުރި ވިޔަފާރި ތަކުގެ ތެރެއިން ގަވާއިދާ އެއްގޮތަށް ކުރަމުންއައި މަސައްކަތްތައް ކުރަމުންދިޔަ 67 ތަނެއް ހުޅުވަން ހުއްދަދެވުނުކަމަށްވެސް ވިދާޅުވިއެވެ.

އެފަދައިން ހިންގާ ވިޔަފާރި ތަކުގައި، ފިހާރަ ހިންގަން ހުންނަ ބިދޭސީއަކީ ގަވައިދާ އެއްގޮތް ބިދޭސީއެއްތޯ ބަލާ ކަމަށާ، ގަވާއިދާ ޚިލާފް ނަމަ، އިމިގްރޭޝަނުން އެމީހާއަށް ފިޔަވަޅު އަޅާކަމަށް ސަޢީދު ވިދާޅުވިއެވެ. 

އަދި ބިދޭސީން ހިންގަން ތިބޭ ވިޔަފާރިތަކުގެ ފައިސާ ދައުރުވަނީ ބިދޭސީއެއްގެ އެކައުންޓްގައިތޯ ބެލުމަށް

އެފަދައިން ބެލޭނީ މީރާ، އެމްއެމްއޭ އަދި ހުރިހާ ބޭންކުތަަކެއްގެވެސް އެހީއާއެކު ކަމަށްވުމުން، ކަންކަން ނިންމުމުގައި ލަސްތަކެއް ވާކަން ސަޢީދު ފާހަގަކުރެއްވިއެވެ. އެހެންނަމަވެސް އެކަން ކުރުމުގެ މަސައްކަތް ކުރިއަށްދާ ކަމަށް ވިދާޅުވިއެވެ.