މިހާރު ކުރިއަށްދާ އެމް.އެން.ޔޫ.އެސް.ޔޫ ފުޓްސަލް ފިއެސްޓާގެ ފިރިހެނުންގެ ސެމީފައިނަލަށް މޯލްޑިވްސް ބިޒްނަސް ސްކޫލް، ސީއެފްއެސް، އެފްއީ އަދި މެޕްސް ކޮލެޖް ދަތުރުކޮށްފިއެވެ.
މުބާރާތުގެ ސެމީގެ ފުރަތަމަ ޖާގަ މޯލްޑިވްސް ބިޒްނަސް ސްކޫލް ހޯދާފައިވަނީ ޤައުމީ ޔުނިވަރސިޓީގެ ބިޒްނަސް ސްކޫލާ ދެކޮޅަށް ކުޅުނުމެޗް 2-0 ގެ ނަތީޖާއަކުން ކާމިޔާބުކޮށްގެންނެވެ. މެޗްގައި މޯލްޑިވްސް ބިޒްނަސް ސްކޫލަށް ގޯލް ހުޅުވާލަދިނީ، 11 ވަނަ މިނެޓް ތެރޭގައި އިބްރާހިމް ހާމިދެވެ. މެޗްގެ މޭން އޮފް ދަ މެޗްގެ މަގާމް ހޯދީ ހުސައިން ސަބީލް އެވެ.
ދެވަނަ މެޗްގައި ސެންޓަރ ފޯ ފައުންޑޭޝަން ސްޓަޑީޒް އާއި އަހުމަދިއްޔާ އިންޓަރނޭޝަނަލް ސްކޫލް ބައްދަލުކުރިމެޗް ސީއެފްއެސް ކާމިޔާބުކުރީ ދޭއް ސުމެއްގެ ނަތީޖާއަކުންނެވެ. މެޗްގައި ސީއެފްއެސްއިން ޖެހި ދެ ލަނޑުވެސް އެޓީމަށް ކާމިޔާބުކޮށްދިނީ އަހުމަދު ސެއިން އެވެ. މެޗްގެ މޮޅު ކުޅުންތެރިޔާގެ މަގާމްވެސް ހޯދީ ސެއިން އެވެ.
މުބާރާތުގެ ކުއާޓާ ފައިނަލުގެ އަނެއް ދެމެޗަށް ބަލާއިރު، ފެކަލްޓީ އޮފް އެޑިއުކެޝަން އާއި މެއިންޒް ކޮލެޖް ބައްދަލުކުރިމެޗް އެފްއީ ކާމިޔާބުކުރީ 7-6 ގެ ނަތީޖާއަކުންނެވެ. އަދި ޒިކުރާ ކޮލެޖާއި މެޕްސް ބައްދަލުކުރިމެޗް މެޕްސް ކާމިޔާބުކުރީ 5-6 ގެ ނަތީޖާއަކުންނެވެ.
މުބާރާތުގެ ސެމީފައިނަލް މެޗްތައް ކުޅުމަށް ތާވަލްކޮށްފައިވަނީ ބުދަދުވަހުގެ ރެއެވެ.
Advertisement
This content is created and paid for by advertisers and does not involve Voice Journalists
