އަދަދުގެ ދެ ނޫސްވެރީން ކަމަށްވާ މުހައްމަދު ޝަހުޒާން އާއި ލީވާން އަލީ ނަސީރު ޖަލަށް ލާން ކްރިމިނަލް ކޯޓުން ހުކުމްކޮށްފި އެވެ.
މި ދެ ނޫސްވެރީންގެ މައްޗަށް ޖަލު ހުކުމެއް އައީ ކްރިމިނަލް ކޯޓުން ނެރުނު އަމުރާއި ހިލާފުވި ކަމަށް ކަނޑައަޅަ އެވެ. އެގޮތުން ޝަހުޒާން 15 ދުވަހަށް ޖަލަށްލާން ވަނީ ހުކުމްކޮށްފަ އެވެ. އަދި ލީވާން 10 ދުވަހަށް ޖަލަށްލާން ހުކުމްކޮށްފައިވެ އެވެ.
ޝަހުޒާނަށް ތުހުމަތު އޮތީ އިއްޔެ އޮތް ނޫސްވެރީންގެ ބައްދަލްވުމުގައި އެ އަމުރާއި ހިލާފަށް ވާހަކަ ދެއްކުމުންނެވެ. ލީނަށް އޮތީ އެ އަމުރާއި ހިލާފަށް ހަބަރެއް ލިޔުމުގެ ތުހުމަތެވެ. ކޯޓުން ވަނީ ކޯޓްގެ ހުރުމަތް ކެނޑިކަން ސާބިތުވާ ކަމަށް ކަނޑައަޅާ ޝަހްޒާން 15 ދުވަހަށް ޖަލަށް ލުމަށާއި 25,000 ރުފިޔާއިން ޖޫރިމަނާ ކޮށްފަ އެވެ.
އަދި ލީން 10 ދުވަހަށް ޖަލަށްލައި 25,000 ރުފިޔާއިން ޖޫރިމަނާ ކޮށްފައިވެ އެވެ.
އަދަދުން ހެދި ޑޮކިއުމަންޓްރީއަކާއި ގުޅިގެން ތަހުގީގެއް ހިންގާ އެ ނޫހުގެ އިސް ދެ ވެރީން ކަމަށްވާ ހުސައިން ފިޔާޒްއާ ހަސަން މުހައްމަދުގެ މައްޗަށް ވަނީ ދައުވާ އުފުލާފަ އެވެ. އެ ދެ މީހުންގެ މައްޗަށް ހިންގާ ޝަރީއަތް މާދަމާ ފެށޭނެ އެވެ.
Advertisement
This content is created and paid for by advertisers and does not involve Voice Journalists
