އެމް.އެން.ޔޫ.އެސް.ޔޫ ފުޓްސަލް ފިއެސްޓާގެ އަންހެނުންގެ ފައިނަލުގެ ޖާގަ މޯލްޑިވްސް ބިޒްނަސް ސްކޫލާއި ވިލާ ކޮލެޖުން ހޯދައިފިއެވެ.

މުބާރާތުގެ ފައިނަލުގެ ޖާގައެއް މޯލްޑިވްސް ބިޒްނަސް ސްކޫލް ހޯދާފައިވަނީ ސެމީފައިނަލުގައި ފެކަލްޓީ އޮފް ހެލްތު ސައިންސާ ދެކޮޅަށް ކުޅުނުމެޗް 3-0 ގެ ނަތީޖާއަކުން ކާމިޔާބުކޮށްގެންނެވެ. މިމެޗްގައި ބިޒްނަސް ސްކޫލަށް ގޯލް ހުޅުވާލަދިނީ 17 ވަނަ މިނެޓް ތެރޭގައި ސައިނާއެވެ. މެޗްގައި ދެން ބިޒްނަސް ސްކޫލުން ޖެހި ދެ ލަނޑު ކާމިޔާބުކޮށްދިނީ، ސާހާއެވެ.

މެޗްގެ މޮޅު ކުޅުންތެރިޔާގެ މަގާމުވެސް ހޯދީ ސާހާ އެވެ.

މުބާރާތުގެ ފައިނަލަށް ވިލާ ކޮލެޖް ދަތުރުކޮށްފައިވަނީ، މެއިންޒް ކޮލެޖާ ދެކޮޅަށް ކުޅުނުމެޗް 2-0 ގެ ނަތީޖާއަކުން ކާމިޔާބުކޮށްގެންނެވެ. މެޗްގައި ވިލާއިން ވަނީ ވަރަށް ކުރީކޮޅު ލީޑް ނަގާފައެވެ. މި ލަނޑު ކާމިޔާބުކޮށްދިނީ މަރިޔަމް މަލްޝާ އެވެ. ވިލާގެ ފަހު ލަނޑު ކާމިޔާބުކޮށްދިނީ، ނިހާމާ އެވެ.

މިމެޗްގެ މޮޅު ކުޅުންތެރިޔާގެ މަގާމް ހޯދީ މަލްޝާ އެވެ.

ފައިނަލުގައި މޯލްޑިވްސް ބިޒްނަސް ސްކޫލާއި ވިލާ ކޮލެޖް ބައްދަލުކުރާ މެޗް ފެށުމަށް ހަމަޖެހިފައިވަނީ، 20:30 ގައި ރެހެނދި ފުޓްސަލް އެއް ނަމްބަރު ދަނޑުގައެވެ