މިރޭގެ ތިން ރައީސުންގެ ބައްދަލުވުމަށް ފަހު މި ރައީސުންނާއި ބެހޭގޮތުން ދައްކާލަން ލައްކަ ގިނަ ވާހަކަ އެބަހުރި ކަމަށް ކުރީގެ ނާއިބު ރައީސް އަހްމަދު އަދީބު ވިދާޅުވެއްޖެ އެވެ.
އަދީބު މިހެން ވިދާޅުވީ ސޯޝަލް މީޑިއާގައި އަދީބު ކުރެއްވި ޕޯސްޓެއްގަ އެވެ.
ކުރީގެ ތިން ރައީސުން ކަމަށްވާ ރައީސް ޔާމީނާއި ރައީސް ނަޝީދާއި ރައީސް ސޯލިހް މިރޭ ވަނީ ބައްދަލުކުރައްވާފަ އެވެ. އަދި މަޝްވަރާއަށް ފަހު ނޫސްވެރީންނާއި ބައްދަލުކުރެއްވި އެވެ.
ތިން ރައީސުން ބައްދަލުކުރައްވާ ފޮޓޯއަކާއެކު އަދީބު ކުރެއްވި ޕޯސްޓްގައި ވިދާޅުވީ މިރޭގެ ތިން ރައީސުންގެ ބައްދަލުވުމަށް ފަހު މި ރައީސުންނާއި ބެހޭގޮތުން ދައްކާލަން ލައްކަ ގިނަ ވާހަކަ އެބަހުރި ކަމަށެވެ.
ނަމަވެސް އިތުރު ތަފްސީލެއް ނުދެއްވަ އެވެ.
އަދީބުގެ ޕޯސްޓް
އަދީބަކީ އެމްއެމްޕީއާރުސީގެ ހިޔާނާތާއި ގުޅިގެން ދިގު މުއްދަތުގެ ޖަލު ހުކުމެއް އިއްވި ބޭފުޅެކެވެ. ނަމަވެސް ރައީސް ސޯލިހްގެ ވެރިކަމުގައި އަފްއާންމު ދެއްވާ ޖަލު ހުކުމް ދެތީން ދުވަހަށް ކުރުކުރެއްވުމުން މިނިވަންވީ އެވެ.
ފަހުން ދިރިއުޅުއްވަނީ ރާއްޖެއިން ބޭރުގަ އެވެ.
Advertisement
This content is created and paid for by advertisers and does not involve Voice Journalists
