ނިމިގެންދިޔަ އެމް.އެން.ޔޫ.އެސް.ޔޫ ފުޓްސަލް ފިއެސްޓާގެ ދެ ޑިވިޝަނުގެ ޗެމްޕިއަންކަން މޯލްޑިވްސް ބިޒްނަސް ސްކޫލް ހޯދައިފިއެވެ.

ފިރިހެން ޑިވިޝަނުގެ ފައިނަލުގައި މޯލްޑިވްސް ބިޒްނަސް ސްކޫލް ނިކުތީ މެޕްސް ކޮލެޖާ ދެކޮޅަށެވެ. މިމެޗް އެމްބީއެސް ކާމިޔާބުކުރީ  0-4 ގެ ނަތީޖާއަކުންނެވެ. މިމެޗްގެ ތަރިއަކަށްވީ އެމްބީއެސްގެ އިބްރާހިމް ހާމިދެވެ. އޭނާ ވަނީ މެޗްގައި ތިން ލަނޑު ޖަހާފައެވެ. 

މެޗްގެ ފުރަތަމަ ލަނޑު އޭނާ ޖަހާފައިވަނީ 20 ވަނަ މިނެޓް ތެރޭގައެވެ. ދެވަނަ ލަނޑު 27 މިނެޓްގައި ޖެހިއިރު ތިންވަނަ ލަނޑު ޖަހާފައިވަނީ 37 ވަނަ މިނެޓް ތެރޭގައެވެ. މެޗްގައި ފެނިގެްނދިޔަ ބިޒްނަސް ސްކޫލުގެ އަނެއް ކަނޑު ޖަހައިދިނީ ކައިސަން އެވެ. މޯލްޑިވްސް ބިޒްނަސް ސްކޫލަކީ މިދިޔަ އަހަރުގެ ރަނަރަޕް ޓީމެވެ.

މުބާރާތުގެ އަންހެނުން ޗެމްޕިއަންކަން މޯލްޑިވްސް ބިޒްނަސް ސްކޫލް ހޯދާފައިވަނީ، ވިލާ ކޮލެޖާ ދެކޮޅަށް ކުޅުނުމެޗް 3-1 ގެ ނަތީޖާއިން ކާމިޔާބުކޮށްގެންނެވެ. މެޗްގައި ފެނިގެންދިޔަ އެއް ގޯލަކީ ވިލާ ކޮލެޖްގެ މަލްސާ އަތުން ބައިކޮޅަށްވަތް ގޯލެކެވެ. 

އެމްބީއެސް އަންހެން ޓީމް ތަށި އުފުލާލަނީ

މެޗްގައި އެމްބީއެސްއަށް ލަނޑުތައް ކާމިޔާބުކޮށްދިނީ ޝައިނާ އަދި މަލާކް އެވެ. ވިލާ ކޮލެޖުން ޖެހި ހަމައެކަނި ލަނޑު ޖަހައިދިނީ މަލްޝާއެވެ. މިމެޗްގެ މޮޅު ކުޅުންތެރިޔާގެ މަގާމް ހޯދީ، ޝައިނާއެވެ. މި ތައްޓާއެކު މޯލްޑިވްސް ބިޒްނަސް ސްކޫލުން ވަނީ މުބާރާތުގެ ތަށި ޖެހިޖެހިގެން ތިންވަނަ ފަހަރަށް އުފުލާލުމުގެ ޝަރަފް ހޯދާފައެވެ. ތަށީގެ އިތުރުން މުބާރާތުގެ އަންހެނުން ޑިވިޝަނުގެ މޮޅުކުޅުންތެރިޔާގެ މަގާމާއި އެންމެ ގިނަ ލަނޑު ޖެހި ކުޅުންތެރިޔާގެ މަގާމް ހޯދީ ބިޒްނަސް ސްކޫލްގެ މަލާކް އެވެ.

މެޗް ނިމުމުން ޗެމްޕިއަން ޓީމްތަކަށް ތަށި ހަވާލުކޮށްދެއްވީ، ފުޓްސަލް ފިއެސްޓާގެ ނިންމުމުގެ ރަސްމިއްޔާތުގެ ޝަރަފްވެރި މެހެމާން ރައީސުލްޖުމްހޫރިއްޔާގެ ނައިބުގެ އަނބިކަނބަލުން އައިޝަތު އަފްރީން މުހައްމަދެވެ.