މީޑިއާތަކަށް މިނިވަންކަން ހޯދައިދީ، ޚިޔާލުފާޅުކުރުމުގެ ހައްގު ކަށަވަރުކޮށްދިނުމަށް އެކުގައި މަސައްކަތް ކުރައްވަން ނިންމެވި ކުރީގެ ތިން ރައީސުންގެ މަންދޫބުން ކަނޑައަޅުއްވައިފިއެވެ.
ނޫސްވެރިން ހައްޔަރުކޮށް، މިޑިއާތަކަށް ހުރަސް އަޅަމުންދާތީ އެކަން ނިމުމަކަށް ގެނައުމަށް ކުރީގެ ރައީސް ޔާމީން އަބްދުލް ޤައްޔޫމް އާއި، މުޙައްމަދު ނަޝީދުގެ އިތުރުން ރައީސް އިބްރާހީމް މުހައްމަދު ޞާލިޙް ވަނީ ގުޅިގެން މަސައްކަތް ކުރެއްވުމަށް ނިންމަވާފައެވެ.
ތިން ރައީސުންގެ މަސައްކަތްތަކާ ގުޅޭގޮތުން މައުލޫމާތު ދިނުމަށާއި، އެހެނިހެން ކަންކަން ކުރެއްވުމަށް ކޮމިޓީއެއް އުފައްދަވާނެ ކަމަށާ އެ ކޮމިޓީގައި ތިން ބޭފުޅުންގެ ފަރާތުންވެސް މަންދޫބުން ތިއްބަވާނެ ކަމަށް މިމަހު 15 ގައި ތިން ރައީސުން ބޭއްވި ނޫސްވެރިންގެ ބައްދަލުވުމުގައި ވަނީ ވިދާޅުވެފައެވެ.
އަދި މިއަދު ވަނީ ތިން ރައީސުންގެ ފަރާތުން އުފައްދަވާ ކޮމިޓީގެ މެންބަރުންގެ ގޮތުގައި ކޮންމެ ރައީސެއްގެ ފަރާތުން ދެ މްންދޫބަކު ހަމަޖައްސާފައެވެ.
އެގޮތުން އައްޔަނު ކުރެވުނު މަންދޫބުންނަކީ؛
ކުރީގެ ރައީސް މުހައްމަދު ނަޝީދުގެ ފަރާތުން އައްޔަނު ކުރެއްވީ:
ރައްޔިތުންގެ މަޖިލީހުގެ ކުރީގެ ނައިބު ރައިސް އީވާ އަބްދުالله އެމްޑީޕީގެ ކުރީގެ ޗެއާޕާސަން ފައްޔާޒް އިސްމާއިލް
ކުރީގެ ރައީސް އަބްދުالله ޔާމީންގެ ފަރާތުން އައްޔަނު ކުރެއްވީ:
ޕީއެންއެފްގެ ނައިބު ރައީސް މުހައްމަދު މަލީހު ޖަމާލު
މާލޭގެ މޭޔަރުކަމަށް ވާދަކުރެއްވި އިސްމާއިލް ޒަރިޔަންދު
ކުރީގެ ރައީސް އިބްރާހިމް މުހައްމަދު ސޯލިހްގެ ފަރާތުން އައްޔަނު ކުރެއްވީ:
ރައްޔިތުންގެ މަޖިލީހުގެ ކުރީގެ ނައިބު ރައީސް އަހުމަދު ސަލީމް (ސައްލެ)
ރައްޔިތުންގެ މަޖިލީހުގެ ކުރީގެ މެންބަރު މުހައްމަދު ރަޝީދު ހުސައިން (ބިގޭ)
މި ކޮމިޓީގެ ފުރަތަމަ ބައްދަލުވުން މާދަމާ ބޭއްވުމަށް ހަމަޖެހިފައިވާ ކަމަށް މައުލޫމާތު ދީފައިވެ އެވެ.
Advertisement
This content is created and paid for by advertisers and does not involve Voice Journalists
