އުވައިލި އަތޮޅު ކައުންސިލުތައް ހިންގަމުންދިޔަ އަތޮޅު އޮފީސްތަކުގެ އިމާރާތްތަކުގައި ގާއިމުކުރި އެލްޖީއޭގެ ގޮފިތަކަށް ސިޔާސީ މީހުން ނުލައްވާނެ ކަމުގައި ރައީސުލްޖުމްހޫރިއްޔާ ޑރ. މުހައްމަދު މުޢިއްޒު މިރޭ ވިދާޅުވެއްޖެ އެވެ.
އެމަނިކުފާނު މިހެން ވިދާޅުވީ ޕީއެސްއެމް އިން "ނޭޝަން ޗެޓް" ގައި ވާހަކަފުޅު ދައްކަވަމުން ރައީސް ވިދާޅުވީ އެލްޖީއޭގެ ގޮފިތަކެއް ހުރިހާ އަތޮޅެއްގައި ގާއިމުކުރި ނަމަވެސް އެތަންތަނަށް އަތޮޅުވެރީން ނުވަތަ ގަވަރުނަރުން ނުލައްވާނެ ކަމަށެވެ.
ވާދަވެރީން ހަގީގަތއް ނެތް ވާހަކަތައް ދައްކަމުންދާކަން ފާހަގަކުރައްވާ ރައީސް ވަނީ އެ ތަންތަނަށް ސިޔާސީވެރީން ނުލާނެ ކަމުގެ ޔަގީންކަން ދެއްވާފަ އެވެ. އަދި ވިދާޅުވީ އެތަންތަން ހުންނާނީ އެލްޖީއޭގެ ސެކްޝަންތަކެއްގެ ގޮތުގަައި ކަމަށެވެ.
"އެތަންތަނަށް ވަކީން ސިޔާސީވެރީން ނުލާނެ. އެއީ އަޅުގަނޑު ކުރަން ގަސްތުކުރާ ކަމެއް ނޫން،" މިރޭގެ ޕްރަގްރާމްގައި ރައީސް ވިދާޅުވި އެވެ.
އެލްޖީއޭގެ އަތޮޅު އޮފީސްތަކުގައި މައިގަނޑު ގޮތެއްގައި ކުރިއަށްދާނެ މަސައްކަތްތަކަކީ އެލްޖީއޭގެ ފަރާތުން ކައުންސިލުތަކަށް ފޯރުކޮށްދޭންޖެހޭ ތަމްރީނުތައް ފޯރުކޮށްދިނުމާއި، ކައުންސިލުތަކުގެ މުވައްޒަފުން ތަމްރީނުކުރުމާއި، އަދި ކައުންސިލުތަކުގެ މަސައްކަތްތައް މޮނީޓާކުރުން ކަމުގައި އެ އިދާރާއިން ބުނެ އެވެ.
Advertisement
This content is created and paid for by advertisers and does not involve Voice Journalists
