ސިޓީތަކުގެ ޑަބްލިއުޑީސީ ރައީސުންގެ މުސާރައަށް ކަނޑައެޅި އަދަދުން ބައެއް އުނިކުރަން ނިންމައިފި އެވެ.

ޕޭ ކޮމިޝަނުން އަންހެނުންގެ ކޮމިޓީތަކުގެ މެންބަރުންގެ މުސާރައަށް ބަދަލު ގެނެސް އެކަން ވަނީ އާންމުކޮށްފަ އެވެ. އެގޮތުން ސިޓީތަކުގެ ޑަބްލިއުޑީސީ ރައީސުންގެ މުސާރަގެ ގޮތުގައި 41,000 ރުފިޔާ އެވެ. އަދި ރަށްރަށުގެ އަންހެނުންގެ ކޮމިޓީތަކުގެ ރައީސުންގެ މުސާރައެއްގެ ގޮތުގައި 21,000 ރުފިޔާ އެވެ.

އަންހެނުންގެ ކޮމިޓީތަކުގެ މެންބަރުންގެ މުސާރަ ވެސް ބޮޑުކުރި އެވެ. ނަމަވެސް އެ ނިންމުމަށް އާންމުންގެ ތެރޭގައި އޮތީ ފާޑުކިޔުމެވެ.

ފާޑުކިޔުން ވަރަށް ބޮޑުވެފައި ވަނިކޮށް ޕޭ ކޮމިޝަނުން މިހާރު ވަނީ ސިޓީތަކުގެ ޑަބްލިއުޑީސީ ރައީސުންގެ މުސާރައަށް ކަނޑައެޅި އަދަދުން ބައެއް އުނިކުރަން ނިންމާފަ އެވެ. އެގޮތުން ކުރީން ކަނޑައެޅި 41,000 ރުފިޔާއިން 8,500 ރުފިޔާ ވަނީ އުނިކޮށްފަ އެވެ.

އެހެން ކަމުން ސިޓީތަކުގެ ޑަބްލިއުޑީސީ ރައީސުންގެ މުސާރައަށް މިހާރު ކަނޑައަޅާފައިވަނީ 33,000 ރުފިޔާ އެވެ. ރަށްރަށުގެ އަންހެނުންގެ ކޮމިޓީތަކުގެ ރައީސުންގެ މުސާރައަށް ކަނޑައެޅި އަދަދަށް ބަދަލެއް ނުގެ އެވެ.