އަންހެނުންގެ ތަރައްގީއަށް މަސައްކަތްކުރާ ކޮމެޓީތަކުގެ ރައީސާއިންގެ މުސާރައަށް ކަނޑައެޅި އަދަދުން ބައެއް ދެވަނަ ފަހަރަށް އުނިކޮށް ފައިނަލް އަދަދުތައް ޕޭ ކޮމިޝަނުން ހާމަކޮށްފި އެވެ.

ޕޭ ކޮމިޝަނުން އަންހެނުންގެ ކޮމިޓީތަކުގެ މެންބަރުންގެ މުސާރައަށް ބަދަލު ގެނެސް އެކަން ވަނީ އާންމުކޮށްފަ އެވެ. އެގޮތުން ސިޓީތަކުގެ ޑަބްލިއުޑީސީ ރައީސުންގެ މުސާރަގެ ގޮތުގައި 41,000 ރުފިޔާ އެވެ. އަދި ރަށްރަށުގެ އަންހެނުންގެ ކޮމިޓީތަކުގެ ރައީސުންގެ މުސާރައެއްގެ ގޮތުގައި 21,000 ރުފިޔާ އެވެ.

އަންހެނުންގެ ކޮމިޓީތަކުގެ މެންބަރުންގެ މުސާރަ ވެސް ބޮޑުކުރި އެވެ. ނަމަވެސް އެ ނިންމުމަށް އާންމުންގެ ތެރޭގައި އޮތީ ފާޑުކިޔުމެވެ.

ފާޑުކިޔުން ވަރަށް ބޮޑުވެފައި ވަނިކޮށް ޕޭ ކޮމިޝަނުން ވަނީ ސިޓީތަކުގެ ޑަބްލިއުޑީސީ ރައީސުންގެ މުސާރައަށް ކަނޑައެޅި އަދަދުން ބައެއް އުނިކޮށްފަ އެވެ. އެގޮތުން ކުރީން ކަނޑައެޅި 41,000 ރުފިޔާއިން 8,500 ރުފިޔާ ވަނީ އުނިކޮށްފަ އެވެ.

އެހެން ކަމުން ސިޓީތަކުގެ ޑަބްލިއުޑީސީ ރައީސުންގެ މުސާރައަށް ދެން ކަނޑައެޅީ 33,000 ރުފިޔާ އެވެ. ރަށްރަށުގެ އަންހެނުންގެ ކޮމިޓީތަކުގެ ރައީސުންގެ މުސާރައަށް ކަނޑައެޅި އަދަދަށް ބަދަލެއް ނުގެ އެވެ.

ނަމަވެސް އެ ނިންމުން ވެސް މިހާރު ވަނީ މުރާޖައާ ކޮށްފަ އެވެ. ފަހުގެ ނިންމުމަކީ ޑަބްލިއުޑީސީ ރައީސުންގެ މުސާރައަށް 20,000 ރުފިޔާ އެވެ. ރަށްރަށުގެ އަންހެނުންގެ ކޮމިޓީތަކުގެ ރައީސުންނަށް 15,000 އެވެ.

ސިޓީތަކުގެ ނާއިބުންނަށް 7,000 ރުފިޔާ އެވެ. އަދި ރަށްރަށުގެ ނާއިބުންނަށް 6,000 ރުފިޔާ އެވެ.

ސިޓީތަކުގައި ހިމެނޭ އަންހެނުންގެ ތަަރައްގީއަށް މަސައްކަތްކުރާ ކޮމެޓީގެ މެންބަރުންނަށް 6,000 ރުފިޔާ އަދި ރަށްރަށުގެ ކޮމެޓީތަކުގެ މެންބަރުންނަށް 5,000 ރުފިޔާ އެވެ.ަ