މުޅި މާލެ އަދި ހުޅުމާލެއިން ކަރަންޓްގެ ހިދުމަތް މެދުކެނޑިއްޖެއެވެ.
މިކަން ސްޓެލްކޯއިންވެސް ވަނީ ޔަގީންކޮށްދީފައެވެ. ސްޓެލްކޯއިން ބުނީ ޓެކްނިކަލް މައްސަލައެއް ދިމާވެ، މާލެ އަދި ހުޅުމާލެއިން ކަރަންޓް ކެނޑިފައިވާަކަމަށެވެ. ކަރަންޓް ކަނޑައިގެން ގޮސްފައިވަނީ، މެންދުރު 12 ޖެހިތާ އިރުކޮޅެއް ފަހުންނެވެ.
ސްޓެލްކޯއިން ބުނީ ދިމާވި މައްސަލަ ހައްލުކޮށް ކަރަންޓް އަލުން ދިނުމަށް މަސައްކަތް ކުރަމުންދާކަމަށެވެ.
މުޅި މާލެ ސަރަހައްދުން ކަރަންޓް ކެނޑިފައިވާއިރު، ސްޓެލްކޯއިން ދަނީ ކަރަންޓްގެ ހިދުމަތުގެ ފެންވަރު ރަނގަޅުކުރުމުގެ މަސައްކަތެއް ކުރަމުންނެވެ. އެގޮތުން ހުޅުމާލޭގެ 50 މެގަވޮޓް އިންޖީނުގެ ނިއްވާނުލައި އަޕްގްރޭޑިން މަސައްކަތެއް ފުރިހަމަ ކުރެވުނުކަން ސްޓެލްކޯއިން ވަނީ މިއަދު ބުނެފައެވެ.
Advertisement
This content is created and paid for by advertisers and does not involve Voice Journalists
